ارمەنيا پرەمەر-ءمينيسترى نيكول پاشينيان ۇجىمدىق قاۋىپسىزدىك تۋرالى شارت ۇيىمىنىڭ 2023 جىلعى وقۋ-جاتتىعۋلارىن وتكىزۋ ورىنسىز دەپ سانايتىنىن مالىمدەدى, دەپ حابارلايدى Egemen.kz.
«ارمەنيانىڭ قورعانىس ءمينيسترى ۇقشۇ-نىڭ بىرىككەن شتابىنا بيىل وقۋ-جاتتىعۋلارىن وتكىزۋ ورىنسىز دەپ سانايتىنىمىزدى حابارلادى», دەدى پاشينيان ءباسپاسوز ءماسليحاتىندا.
بۇعان دەيىن ۇقشۇ بىتىمگەرشىلىك كونتينگەنتتەرىنىڭ «بۇزىلمايتىن باۋىرلاستىق» وقۋ-جاتتىعۋلارىن ارمەنيادا وتكىزۋ جوسپارلانىپ وتىرعانى حابارلانعان ەدى.