2023 جىلعى قاڭتاردىڭ ءبىرىنشى ونكۇندىگىنەن باستاپ مەملەكەتتىك شەكارانىڭ قازاقستان-قىتاي ۋچاسكەسىندە قىتاي تاراپى بۇرىن ەنگىزىلگەن شەكتەۋ جانە كارانتيندىك شارالاردى الىپ تاستايدى. بۇل تۋرالى مەملەكەتتىك كىرىستەر كوميتەتى حابارلادى, دەپ جازادى Egemen.kz.
قىتاي تاراپى كولىك قۇرالدارىنىڭ قحر اۋماعىنا كىرۋ مۇمكىندىگىمەن اۆتوكولىك قۇرالدارىن قابىلداۋعا نيەتتى. بۇل رەتتە اۆتوكولىك قۇرالدارىنىڭ جۇرگىزۋشىلەرىندە ۆيزالار, پتر تەستىلەرى, سونداي-اق ولاردىڭ كولىك قۇرالدارى حالىقارالىق ستاندارتتارعا سايكەس كەلۋى ءتيىس.
شەكاراداعى شەكتەۋلەردى الىپ تاستاعاننان كەيىن, بۇرىن قىتاي تاراپى بەلگىلەگەن اۆتوكولىك قۇرالدارىنىڭ سيپاتتامالارىنا قويىلاتىن تالاپتار سىرتقى ەكونوميكالىق قىزمەتكە قاتىسۋشىلاردىڭ نارازىلىعىن تۋدىردى, سەبەبى ولار اۆتوكولىك قۇرالدارىنا قويىلاتىن قاتاڭ تالاپتار كەزىندە اۆتوكولىك قۇرالدارىن قايتا جابدىقتاۋ بويىنشا بەلگىلى ءبىر شىعىندارعا ۇشىرادى.
2023 جىلعى 9 قاڭتاردا مۇددەلى تاراپتاردىڭ جۇمىسىن ۇيلەستىرۋدى قامتاماسىز ەتۋ ماقساتىندا «قالجات» وتكىزۋ پۋنكتىنە قر قم مەملەكەتتىك كىرىستەر كوميتەتىنىڭ باسشىلىق قۇرامى سىرتقى ەكونوميكالىق قىزمەتكە قاتىسۋشىلارمەن كەزدەسۋ وتكىزدى.
وتكىزىلگەن جۇمىس كەڭەسى بارىسىندا شەكارا قىزمەتىمەن, جەرگىلىكتى اتقارۋشى ورگاندارمەن جانە تاسىمالداۋشىلارمەن بىرلەسىپ كەدەندىك راسىمدەردەن ءوتۋ, سونداي-اق مەملەكەتتىك شەكارادان ءوتۋ ءتارتىبى تۋرالى قاجەتتى تۇسىنىكتەمەلەر بەرىلدى.
كەڭەس بارىسىندا سىرتقى ەكونوميكالىق قىزمەتكە قاتىسۋشىلار بىرقاتار سۇراق قويىپ, ناقتى جاۋاپتار الدى.
مەملەكەتتىك كىرىستەر كوميتەتى كەدەندىك باقىلاۋ بويىنشا شەكاراداعى جاعدايعا تۇراقتى مونيتورينگ جۇرگىزىپ جاتىر.