استانا پوليتسەيلەرى 24-قاباتتان سەكىرمەك بولعان ەر ادامدى قۇتقارىپ قالدى. جەلىدە قۇتقارۋ ساتىنىڭ ۆيدەوسى تارادى, دەپ حابارلايدى Egemen.kz Polisia.kz-كە سىلتەمە جاساپ.
ءتۇن ورتاسىندا ەلوردا پوليتسەيلەرىنە سارايشىق كوشەسىنىڭ بويىنداعى كوپقاباتتى ءۇي بالكونىنىڭ قورشاۋىندا ەر ادامنىڭ سەكىرمەك بولعانى تۋرالى اقپارات كەلىپ ءتۇستى. وقيعا ورنىنا ەرجان ايسا مەن نۇرسۇلتان ەگەمبايدان تۇراتىن پاترۋلدىك پوليتسيا پولكىنىڭ جاساعى جىبەرىلدى.
وقيعا ورنىنا جەتكەن پوليتسەيلەر بالكون قورشاۋىنىڭ ارتىندا ءيىلىپ, تومەنگە سەكىرمەك بولعان ەر ادامدى كوردى. ءتارتىپ ساقشىلارى جاعدايدى باعامداپ, ۋاقىتتى بوسقا وتكىزبەي تەز ارادا جوعارى كوتەرىلدى. ولاردى بايقاعان ەر ادام ولارعا «جاقىنداماڭدار» دەپ ايقايلاي باستادى. قالىپتاسقان جاعدايدى باعدارلاي وتىرىپ, پوليتسەيلەر ەر اداممەن ديالوگ قۇرۋعا تىرىسقان. ءتارتىپ ساقشىلارى ونىڭ الدانىپ تۇرعان ءساتىن پايدالانىپ, وعان تەز جۇگىرىپ بارىپ, ارتىنان ۇستاپ, بالكوننىڭ ىشىنە تارتىپ كىرگىزگەن. سودان كەيىن ولار ەر ادامدى قاۋىپسىز جەرگە اپارىپ, سترەسستىك جاعدايدى شەشۋگە كومەكتەسىپ, تىنىشتاندىرعان.قۇتقارىلعان ازامات ەسىل اۋداندىق پوليتسيا بولىمىنە جەتكىزىلدى. 28 جاستاعى جىگىتتى بوتەن ارەكەتكە نە يتەرمەلەگەنى بەلگىلى بولدى.