كافريننەن التى شاقىرىم جەردە «Horaire» تاسىمالداۋشى كومپانياسىنىڭ ەكى جولاۋشى اۆتوبۋسى سوقتىعىستى. اۆتوبۋستاردىڭ ءبىرى داكاردان, ەكىنشىسى كەدۋگۋدەن كەلە جاتقان ەدى, دەپ حابارلايدى Egemen.kz.
الدىن الا مالىمەت بويىنشا, اپاتتان 40 ادام قازا تاۋىپ, ونداعان جولاۋشى جاراقات العان.
جان تۇرشىگەرلىك اپاتقا اۆتوبۋستاردىڭ ءبىرىنىڭ دوڭگەلەگى جارىلۋى سەبەپ بولعان. وسىنىڭ سالدارىنان جولاۋشىلار كولىگى العا شىعىپ, ول باسقا اۆتوبۋسپەن بەتپە-بەت سوقتىعىستى.
سەنەگال پرەزيدەنتى ماككي سالل قايعىلى وقيعاعا بايلانىستى رەسپۋبليكادا ءۇش كۇندىك ۇلتتىق ازا تۇتۋ كۇنىن جاريالادى. سونداي-اق, رەسپۋبليكا بيلىگى جاقىن ارادا «جول قاۋىپسىزدىگى مەن جولاۋشىلاردى قوعامدىق كولىكپەن تاسىمالداۋدى قامتاماسىز ەتۋ بويىنشا شەشۋشى شارالاردى» قابىلدايتىن ۆەدومستۆوارالىق كەڭەستى شاقىرۋدى جوسپارلاپ وتىر.