اباي وبلىسى بويىنشا سوڭعى تاۋلىكتە ادامداردى قار قۇرساۋىنان ەۆاكۋاتسيالاۋ بويىنشا قۇتقارۋ جۇمىستارى بەلسەندى جۇرگىزىلىپ جاتىر, دەپ حابارلايدى Egemen.kz.
«5 قاڭتار كۇنى تاڭەرتەڭ «112» پۋلتىنە اياگوز قالاسى اۋداندىق اۋرۋحاناسىنىڭ باس دارىگەرىنەن اياگوز اۋدانى نارىنكا اۋىلدىق وكرۋگىنىڭ شىنقوجا اۋىلىنان جۇكتى ايەلدى اياگوز قالاسىنىڭ اۋداندىق اۋرۋحاناسىنا جەدەل جەتكىزۋدى تالاپ ەتىلەتىنى تۋرالى حابارلاما كەلدى.
شاقىرۋ ورنىنا №13 ءورت ءسوندىرۋ بولىمىنەن قۇتقارۋشىلار - 1 نيۆا مارش جوعارى ءوتىمدى تەحنيكاسى جانە جەكە قۇرامنىڭ 2 ادامى شىقتى. وقيعا ورنىنا كەلگەننەن كەيىن جۇكتى ايەلگە العاشقى مەديتسينالىق كومەك كورسەتىلدى», دەلىنگەن تجم ءباسپاسوز قىزمەتىنىڭ حابارلاماسىندا.
جۇمىس بارىسىندا قۇتقارۋشىلار قاجەتتى بىلىكتى كومەك كورسەتۋ ءۇشىن اياگوز قالاسىنىڭ پەرزەنتحاناسىنا ايەلدى جەتكىزدى.