زارداپ شەككەن ادامدار جىلىتۋ پۋنكتتەرىنە ورنالاستىرىلدى, دەپ حابارلايدى Egemen.kz.
«ەكىباستۇز ماڭىنداعى شىدەرتى كەنتىندە 118 اۆتوكولىك تۇرىپ قالعان, ونىڭ ىشىندە 26 جۇك جانە 87 جەڭىل كولىك, 5 اۆتوبۋس بار. ادامداردىڭ جالپى سانى 225, ونىڭ ىشىندە 15-ءى بالا», دەپ حابارلادى پاۆلودار وبلىسى توتەنشە جاعدايلار دەپارتامەنتىنىڭ ءباسپاسوز قىزمەتى.
قازىر وڭىردە ءۇش جىلىتۋ پۋنكتى ىسكە قوسىلدى: «سارۋحان», «اقجول» قوناقۇيلەرى جانە شىدەرتى كەنتىنىڭ مەشىتى, وندا 86 ادام (35 ادام, ونىڭ ىشىندە ءتورت بالا - «سارۋحان» قوناقۇيىندە, 16 ادام - «اقجول» قوناقۇيىندە جانە 35 ادام, ونىڭ ىشىندە 2 بالا - كەنت مەشىتىندە) ورنالاسقان.
ايتا كەتسەك, «قازاۆتوجول» ۇك اق قىزمەتكەرلەرى اۆتوجولدى ءتورت ارالاس جول ماشيناسىمەن جانە ءبىر جەڭىل اۆتوموبيلمەن, ك-700 (متز) ءتورت تراكتورىمەن قاردان تازارتىپ جاتىر.
«تجد كۇشتەرى مەن قۇرالدارى (5 قىزمەتكەر جانە 2 بىرلىك تەحنيكا), جەرگىلىكتى پوليتسيا قىزمەتى (7 قىزمەتكەر جانە 4 بىرلىك تەحنيكا), اكىمدىك قىزمەتكەرلەرى (3 ادام جانە 2 ماشينا) جۇمىلدىرىلدى. جەرگىلىكتى اتقارۋشى ورگاندار شىدەرتى كەنتىنىڭ مەكتەپ اسحاناسىندا ىستىق تاماق ۇيىمداستىردى», دەپ تولىقتىردى تجد.