3-ىنەن 4 قاڭتارعا قاراعان ءتۇنى ەلوردادان 36 مىڭ تەكشە مەتردەن استام قار شىعارىلدى. جاۋىن-شاشىننىڭ كوپ تۇسۋىنە بايلانىستى قالانىڭ كوممۋنالدىق قىزمەتتەرى تاۋلىك بويى كۇشەيتىلگەن رەجيمدە جۇمىس ىستەپ جاتىر, دەپ حابارلايدى Egemen.kz قالا اكىمدىگىنىڭ رەسمي سايتىنا سىلتەمە جاساپ.
3-ىنەن 4 قاڭتارعا قاراعان ءتۇنى قالادان پوليگوندارعا 36 مىڭ تەكشە مەتردەن استام قار نەمەسە 2 700 جۇك كولىگىنە تەڭ قار شىعارىلدى.
بۇگىنگى تاڭدا ەلوردا بويىنشا قار تازالاۋ جۇمىستارىنا 2,3 مىڭنان استام جول جۇمىسشىسى مەن مىڭنان استام ارنايى تەحنيكا جۇمىلدىرىلدى.
ەڭ الدىمەن, ەرەجەلەرگە سايكەس, جولداردا كەپتەلىس بولماس ءۇشىن وتە قارقىندى قوزعالىس ايماقتارى تازارتىلادى. سونداي-اق ورتاشا قارقىندىلىعى بار ۋچاسكە-الاڭدار, ۆوكزال ماڭى اۋماقتارى, تروتۋارلار, الەۋمەتتىك نىساندارعا كىرمە جولدار جانە ت. ب. قاردان تازارتىلادى.
ايتا كەتۋ كەرەك, 3 قاڭتاردا تۇنگى ۋاقىتتا قار پوليگوندارىنا 36 مىڭ تەكشە مەتردەن استام قار شىعارىلدى.
قىس مەزگىلىنىڭ باسىنان باستاپ كوممۋنالدىق قىزمەتتەر قالادان 100 مىڭنان استام جۇك كولىگىنە تەڭ, ال بۇل ميلليون تەكشە مەتردەن استام قاردى الىپ شىقتى. قالانىڭ كوممۋنالدىق قىزمەتتەرى كەشكى جانە تۇنگى ۋاقىتتاردا كۇشەيتىلگەن رەجيمدە, سونداي-اق قار تازالاۋ مارشرۋتتارىن تۇزەتىپ جۇمىس ىستەپ جاتىر.