استانا پوليتسەيلەرى ەسىرتكى ساتۋمەن اينالىسقان جەرگىلىكتى تۇرعىندى ۇستادى, دەپ حابارلايدى Egemen.kz Polisia.kz-كە سىلتەمە جاساپ.
ەلوردالىق پوليتسيا دەپارتامەنتىنىڭ ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى ەلوردا اۋماعىندا ەسىرتكى وندىرۋمەن اينالىساتىن ادامدى ۇستاۋ بويىنشا ارنايى وپەراتسيا جۇرگىزدى.
جەدەل ءىس-شارالاردى وتكىزۋ بارىسىندا بۇرىن بىرنەشە رەت سوتتالعان ەلوردانىڭ 53 جاستاعى تۇرعىنى قاماۋعا الىندى. ۇستالعان ادامدى تۇرعىلىقتى جەرى بويىنشا ءتىنتۋ كەزىندە ەسىرتكى قۇرالدارىن دايىنداۋعا جانە قولدانۋعا ارنالعان قۇرىلعىلار تاركىلەندى.
تەرگەۋ بارىسىندا ونىڭ ءىرى مولشەردەگى «ەكستراكتسيالىق اپيىن» ەسىرتكى زاتىن وتكىزۋگە قاتىسى بار ەكەنى انىقتالدى. ۇستالعان ادام ءوز كىناسىن مويىندادى.
قر قك 297-بابىنىڭ 2-بولىگى بويىنشا «ەسىرتكى, پسيحوتروپتىق زاتتاردى ءىرى مولشەردە زاڭسىز ساتىپ الۋ, ساقتاۋ, تاسىمالداۋ نەمەسە وتكىزۋ» بويىنشا قىلمىستىق ءىس قوزعالدى. كۇدىكتى استانا قالاسى پوليتسيا دەپارتامەنتىنىڭ ۋاقىتشا ۇستاۋ يزولياتورىنا قامالدى.