ەلوردالىق كولىك جانە جول-كولىك ينفراقۇرىلىمىن دامىتۋ باسقارماسى كەلەسى جىلى اۆتوبۋس تاپشىلىعى ماسەلەسىن شەشۋگە ۋادە بەرىپ وتىر. بۇل تۋرالى ءماسليحات وتىرىسىندا باسقارما باسشىسى جانسۇلتان ساپارباەۆ مالىمدەدى, دەپ حابارلايدى Egemen.kz.
«قالادا اۆتوبۋستاردىڭ جەتىسپەۋشىلىگىنە قاتىستى كوپتەگەن شاعىمدار كەلىپ تۇسەتىنىن ءبارى بىلەدى. وسى ورايدا ەلوردادا اۆتوبۋستار سانى قانشالىقتى ارتادى؟», دەپ سۇرادى ءماسليحات دەپۋتاتى دينارا ورازالينا.
كولىك باسقارماسىنىڭ باسشىسى قازىرگى ۋاقىتتا قالادا اۆتوبۋس تاپشىلىعى بايقالاتىنىن راستادى.
«قالادا 400 جاڭا اۆتوبۋس جەتىسپەيدى. بۇل باعىتتا ءتيىستى جۇمىس جۇرگىزىلىپ جاتىر. كەلەسى جىلى بۇل ماسەلەنى تولىق جوسپارلاپ وتىرمىز», دەپ سەندىردى جانسۇلتان ساپارباەۆ.
ونىڭ ايتۋىنشا, كەلەسى جىلى ەلوردادا 8 جاڭا باعىت, 24 قالا ماڭىنداعى باعىت پايدا بولادى.
«سونداي-اق 6 جاڭا باعىتتاعى ەسەپ ايىرىسۋ تاريفتەرى وزگەردى. ەگەر بۇرىن 248 تەڭگە بولسا, قازىر 300 تەڭگە. جالپى بىزدە 89 مارشرۋت بار, ونىڭ 25-ءى قالا ماڭىندا جۇزەگە اسىرىلادى», دەدى جانسۇلتان ساپارباەۆ.