جاپپاي جەڭىلدى

تاياۋ شىعىستاعى بايراقتى باسەكەنىڭ العاشقى كۇنىندە قازاقستان قۇراماسىنان وليمپيا ويىندارىنىڭ ەكى دۇركىن جۇل­دەگەرى, ازيا جانە الەم چەمپيونى ەلدوس سمەتوۆ, جاستار اراسىنداعى حالىقارالىق تۋرنيرلەردىڭ جۇلدەگەرى باۋىرجان نارباەۆ, «ۇلكەن دۋلىعا» جارىسىنىڭ جەڭىمپازى ماعجان شامشادين (60 كيلو), الەم چەمپيوناتىنىڭ كۇمىس جۇلدەگەرى عۇسمان قىرعىزباەۆ (66 كيلو), الەم بىرىنشىلىگىنىڭ قولا جۇلدەگەرى ءابيبا ابۋجاقىنوۆا (48 كيلو) مەن سەۆارا نىشانباەۆا (57 كيلو) تاتاميگە شىقتى.

وكىنىشكە قاراي, اتالعان سپورتشىلاردىڭ بىردە-ءبىرى جۇلدەلى ورىننان كورىنە المادى. ماسەلەن, نارباەۆ پەن قىرعىزباەۆ العاشقى اينالىمنان ارىگە اسا الماسا, سمەتوۆ, شامشادين جانە نىشانباەۆا 1/8 فينالدا جارىس جولىنان شىعىپ قالدى. ال ءابيبا ابۋجاقىنوۆا قولا جۇلدە ءۇشىن وتكەن باسەكەدە بيىلعى الەم بىرىنشىلىگىنىڭ قولا جۇلدەگەرى يتاليالىق اسسۋنتوي سكۋتتودان جەڭىلىپ قالدى.