ەلىمىزدە ماسس-مەديا قارقىندى دامىپ, جاھاندىق ۇدەرىستەرمەن قاتار ءجۇرىپ جاتىر. سوندىقتان وتاندىق باق-تىڭ دامۋ باعىتىن ايقىنداپ, تۇجىرىمداما جاساۋ كۇن تارتىبىنەن تۋىنداپ وتىرعان قاجەتتىلىك. اقپارات – يدەيالار اعىنى. ءسات سايىن قازاقستاننىڭ اقپارات نارىعىندا ۇلكەن وزگەرىستەر بولىپ جاتىر. قازىرگى كەزدە اقپارات قوعامعا اسەر ەتەتىن ۇلكەن كۇشكە اينالدى. بۇگىندە ۋاقىت تالابىنا ساي تىڭ يدەيا مەن تۇجىرىم كەرەك. بۇل رەتتە, اقپاراتتىق دوكترينانىڭ بەكىتىلۋى ەلىمىزدىڭ مەديا سالاسىنا تىڭ وزگەرىستەر اكەلەدى دەپ سەنەمىن.
ءححى عاسىرداعى اقپاراتتىق داۋىردەگى, ينتەرنەت زامانىنداعى تەحنوگەندىك, تەحنولوگيالىق قاۋىپتەرگە دايىن بولاتىن جاڭا مۇمكىندىكتەر مەن كاسىبي مامانداردى دايارلاۋ ماڭىزدى. ەلىمىزدە اقپاراتتىق دوكترينادان بولەك, باق تۋرالى زاڭ جوباسى ازىرلەنىپ جاتقانى بەلگىلى. بۇل مەديا سالاسىنىڭ قوعامداعى ءرولى ماڭىزدى ەكەنىن ايقىندايدى.
الەمدەگى سوڭعى تەندەنتسيالارعا ساي اقپاراتتىق سوعىستا كىم جەڭە الادى, جەڭىس تە, ىقپال دا, قوعامدىق پىكىر دە سونىڭ جاعىندا بولماقشى. «گيبريدتىك سوعىس» دەگەن جاڭا تەرمين پايدا بولدى. وسىنى ەسكەرەتىن بولساق, بىرىنشىدەن, ءبىزدىڭ اقپاراتىمىز ءوزىمىزدىڭ نارىعىمىزدى تۇگەلدەي قامتاماسىز ەتە الاتىن نارىق بولۋى كەرەك. سول سەبەپتى اقپاراتتىق كەڭىستىگىمىزدى نىعايتامىز دەسەك, بىرىنشىدەن, وتاندىق اقپارات ءوز نارىعىمىز بەن ىشكى سۇرانىستى تۇگەلدەي قامتاماسىز ەتۋى كەرەك. ەكىنشىدەن, الەمگە شىعا الاتىن دەڭگەيگە كوتەرىلۋى اۋاداي قاجەت. سوندا عانا, ءبىز اقپاراتتىق تۇرعىدان الەمگە جاقىنداي تۇسەمىز.
مارات ءباشىموۆ,
سىبايلاس جەمقورلىققا قارسى ءىس-قيمىل اگەنتتىگى قوعامدىق كەڭەسىنىڭ توراعاسى