جاڭا وڭىرگە – جاڭا فيليال

– اباي وبلىسىندا كاسىپ­كەر­لىك­تى دامىتۋعا جانە قولداۋعا كوپ كوڭىل بولىنەدى. مەملەكەتتىك باعدارلامالاردى ىسكە اسىرۋ اياسىندا جانە بيزنەستى مەملەكەتتىك قولداۋ شارالارىنىڭ ناتي­جە­سىندە كاسىپكەرلەردىڭ تو­مەن­گى پايىزبەن نەسيە الۋعا مۇم­كىندىكتەرى بار. وڭىرلىك في­ليالداردىڭ, قورلاردىڭ جۇ­مى­سى ميكرو, شاعىن جانە ورتا كاسىپكەرلىكتى قولداۋعا با­عىت­تالاتىنىنا سەنىمدىمىن. ناقتى وڭىرلىك باعدارلامالاردى ىسكە اسىرۋ ءۇشىن قاراجات تارتۋ جۇ­مى­سى جالعاسادى. بۇل جاڭا جۇ­مىس ورىندارىن قۇرۋعا جانە حالىقتىڭ ءومىر ءسۇرۋ ساپاسىن ارت­تىرۋعا مۇمكىندىك بەرەدى, – دەدى ۇلتتىق ەكونوميكا ءمينيسترى Əلىبەك قۋانتىروۆ.

جاڭا فيليالدا اباي وبلى­سى­نىڭ اۋىل شارۋاشىلىعى ون­دى­رۋشىلەرى قاجەتتى تەحنيكانى لي­زينگكە الا الادى. فيليال قىز­مەتى بەسقاراعاي, بورودۋليحا جانە اباي اۋداندارىنىڭ شارۋا­لارى ءۇشىن كولىك شىعىندارىن ەداۋىر قىسقارتىپ, بيزنەس-پرو­تسەس­تەردى جەدەلدەتۋگە مۇمكىندىك بەرەدى.

– بۇعان دەيىن شىعىس قا­زاق­ستان وبلىسىنىڭ فەرمەرلەرى تەحنيكانى ليزينگكە الاتىن ەڭ بەلسەندى پايدالانۋشىلاردىڭ ءبىرى بولدى. 11 ايدا وبلىستا 698 تەحنيكا ليزينگكە بەرىلدى. وسى مالىمەتكە ساي اباي وبلىسىنىڭ اۋىل شارۋاشىلىعىن دامىتۋدا ۇلكەن الەۋەتى بارى بايقالادى. تاعى ءبىر ايتا كەتەرلىگى, اباي وبلىسىنىڭ تۇرعىندارىنا ءبىزدىڭ تاراپىمىزدان كوپتەگەن مۇمكىندىك جاسالادى. الداعى ۋاقىتتا بۇل تۋرالى قوسىمشا حابارلايتىن بولامىز, – دەدى «قازاگروقارجى» اق باسقارما توراعاسى ايدار پراشەۆ.

اباي وبلىسىندا كەم دەگەندە 650 فەرمەرلىك شارۋاشىلىق تەحنيكانى ۇزاق مەرزىمگە جالعا الا الادى. بۇل – اۋىلشارۋاشىلىق بيزنەسىن قۇرۋ جانە دامىتۋ ءۇشىن ۇلكەن قولداۋ. تۇپتەپ كەلگەندە, مۇنىڭ ءوزى دۇكەن سورەلەرىندەگى ونىمدەردىڭ مولايا تۇسۋىنە وڭ ىقپالىن تيگىزەتىنى داۋسىز.

سونىمەن قاتار وسى سالتاناتتى ءىس-شاراعا قاتىسىپ, ءسوز سويلەگەن «اگرارلىق نەسيە كور­پوراتسياسى» اق باسقارما تورا­عاسى المات اشىربەكوۆ پەن «قازاقستان فەرمەرلەرى اسسو­­تسياتسياسى» وبلىستىق في­ليا­­لىنىڭ توراعاسى سەرىك بايعاليەۆ جاڭادان قۇرىل­عان اباي وبلىسىندا «قاز­اگرو­قار­جى» اكتسيونەرلىك قوعامى فيليالىنىڭ اشىلۋى ماڭىزدى قادام ەكەنىن ايتتى. بۇگىندە شارۋا قوجالىعىمەن اينالىسىپ, كاسىبىن دوڭگەلەتىپ جۇرگەن ازاماتتار كوبەيۋ ۇستىندە. سون­دىق­تان, ولارعا قولايلى جاعداي جاساۋ قاجەت. البەتتە, ونىڭ ناتي­جە­سى دە بولۋى كەرەك.

بۇگىندە ارنايى ىشكى باع­دارلامالار مەن ءموبيلدى قو­سىمشالاردى جەتىلدىرۋ ماق­سا­تىندا جۇمىس جۇرگىزىلىپ جاتىر. ولار قولدانۋشىلارعا مەيلىنشە تۇسىنىكتى ءارى جەڭىل بولاتىنداي قۇراستىرىلىپ, ۇسى­نىلعان قىز­مەتتەردى ادامدار ۇي­لەرىندە وتىرىپ الا الادى.

وسى ورايدا «قازاگروقارجى» اق ەلىمىزدىڭ اگروونەركاسىبى لي­زينگى نارىعىندا اتالعان سا­لا­نىڭ زاماناۋي جانە جوعارى تەح­نولوگيالى تەحنيكاعا قاجەت­تى­لىگىن قامتاماسىز ەتىپ وتىرعان كوشباسشى بولىپ سانالادى.

– بۇگىنگى تاڭدا كومپانيامىز قازاقستاندىق ليزينگ نارىعىنىڭ شامامەن 80 پايىزىن قامتىپ وتىر. فيليالدارىمىز ەلىمىزدىڭ بارلىق وڭىرىندە قىزمەت كورسەتىپ كەلەدى. ولاردى جاقىن ارادا بيىل قۇرىلعان ۇلىتاۋ جانە جەتىسۋ وبلىستارىندا دا اشامىز, – دەدى «قازاگروقارجى» اق باسقارما توراعاسى ايدار پراشەۆ.

باقىتگۇل قازەز