ارىستانبەك مۇحامەدي ۇلىن قاماۋدا ۇستاۋ مەرزىمى تاعى 1 ايعا ۇزارتىلدى. بۇل تۋرالى استانا قالاسىنىڭ مامانداندىرىلعان اۋدانارالىق تەرگەۋ سوتى حابارلادى, دەپ جازادى Egemen.kz.
«20 جەلتوقساندا استانا قالاسىنىڭ مامانداندىرىلعان اۋدانارالىق تەرگەۋ سوتى كۇدىكتى ا.مۇحامەدي ۇلىنا قاتىستى بەلگىلەنگەن كۇزەتپەن ۇستاۋ تۇرىندەگى بۇلتارتپاۋ شاراسىنىڭ مەرزىمىن 1 ايعا ۇزارتتى», دەلىنگەن حابارلامادا.
ەسكە سالا كەتەيىك, 2022 جىلدىڭ مامىرىندا بۇرىنعى مادەنيەت جانە سپورت ءمينيسترى ارىستانبەك مۇحامەدي ۇلىنىڭ قاماۋعا الىنعانى بەلگىلى بولدى. سول ۋاقىتتا ا. مۇحامەدي ۇلى ۇلتتىق مۋزەيدى باسقاردى. 28 مامىردا سوتتىڭ سانكتسياسىمەن وعان قاتىستى «قاماۋ» بۇلتارتپاۋ شاراسى تاڭدالدى.
سىبايلاس جەمقورلىققا قارسى قىزمەت ۇلتتىق مۋزەيدىڭ لاۋازىمدى تۇلعالارىنا جانە باسقا دا تۇلعالارعا قاتىستى «التىن ادامنىڭ مۇراجايلارى ارقىلى ءوتۋى» حالىقارالىق كورمەسىن وتكىزۋگە مەملەكەتتىك ساتىپ الۋ تۋرالى شارت بويىنشا 146 ميلليون تەڭگە بيۋدجەت قاراجاتىن جىمقىردى دەگەن ايىپپەن تەرگەۋ جۇرگىزدى.