جامان ۇلت دەگەن تۇسىنىك جوق - ديماش قۇدايبەرگەن

اتالعان مەديا فورۋمعا شەتەلدەن كەلگەن 100-دەن اسا ساراپشىلار قاتىسۋدا. مەديافورۋمنىڭ كەزەكتى سەسسياسىندا «بەيبىتشىلىك ەتيكاسى» تاقىرىبىندا وي ءوربىدى. وعان قازاقستاندىق الەمگە تانىمال ءانشى ديماش قۇدايبەرگەن مەن  بريتاندىق اكتەر, رەجيسسەر, Peace One Day جاھاندىق جوباسىنىڭ نەگىزىن قالاۋشى - دجەرەمي گيللي قاتىستى.

ديماش قۇدايبەرگەن ءوزىنىڭ «The story of one sky» اتتى بەينە تۋىندىسىن تانىستىردى.

«جامان ۇلت دەگەن تۇسىنىك جوق. ناشار مەملەكەت باسشىلارى بار. مۇنى مويىنداۋ كەرەك. ءبىز ناسىلگە, ۇلتقا, دىنگە بولىنەمىز. بىراق ءبارىمىز جەر انانىڭ بالاسى ەكەنىمىزدى ۇمىتپاۋىمىز كەرەك. ءبىز ءبىر كۇننىڭ, ءبىر اسپاننىڭ پەرزەنتىمىز», دەپ اتاپ ءوتتى ءانشى.

سونداي-اق ديماشقا «ەلىمىزدىڭ دامۋى مەن بەيبىت ەل بولۋى ءۇشىن جاستار قانداي شەشىم قابىلداۋى كەرەك؟» دەگەن سۇراق قويىلدى

«ەڭ الدىمەن ادامداردا ءبىر-بىرىنە دەگەن ادامگەرشىلىك بولۋى ءتيىس. ءوسىپ كەلە جاتقان وسكەلەڭ ۇرپاققا ءبىزدىڭ ۇلتتىق قۇندىلىعىمىز - تاۋەلسىزدىك ەكەنىن ۇعىندىرۋىمىز قاجەت», دەپ جاۋاپ بەردى ول.

سەسسيا سوڭىندا دجەرەمي گيللي بۇگىنگى فورۋمعا قاتىسقانىنا وتە قۋانىشتى ەكەنىن ايتتى.

«بۇل فورۋمنىڭ ناتيجەسىندە ارىپتەستىك ارتادى. سونداي-اق بولاشاق ۇرپاقتى بەيبىت ەل قۇرۋعا باعىتتالعان. مەن وسى فورۋمعا كەلىپ, سىزدەرمەن تانىمقانىما وتە قۋانىشتىمىن», دەدى د.گيللي