استاناداعى تاريحي-مادەني مۇرا وبەكتىلەرىن جانە ەسكەرتكىشتەردى ساقتاۋدى قامتاماسىز ەتۋ ورتالىعىنىڭ كورمە زالىندا جاس سۋرەتشى ارداق قۇدايبەرگەنوۆانىڭ « كوزىمنىڭ قاراسى – ۇلى دالا» اتتى كورمەسى ءوتتى. اتالعان ءىس-شارا تاۋەلسىزدىك كۇنىنە ارنالدى.
كورمەگە سۋرەتشىنىڭ كەيىنگى جىلدارى سالعان بىرقاتار تۋىندىسى قويىلدى. اسىرەسە ونىڭ شىعارمالارىندا تابيعاتتىڭ عاجايىپ سۇلۋلىعى شىنايىلىعىمەن ايشىقتى بەينەلەنگەن. ونى جاس شەبەردىڭ نازىك سەزىممەن ورنەكتەگەن كارتينالارىنان انىق بايقايسىز.
«بالا كۇنىمنەن بەينەلەۋ ونەرىنە ىنتىق بولىپ, ءوزىم قىزىعىپ كورەتىن مۋلتفيلم كەيىپكەرلەرىن سالعاندى جاقسى كوردىم. ەسەيە كەلە تابيعات كورىنىستەرىن اق پاراققا تۇسىرە باستادىم. نەگىزى, مەنىڭ بالالىق شاعىم اۋىلدا ءوتتى. اتا-اجەمنىڭ قولىندا ءوستىم. قازىر سول اۋىل, اتا-اجەمنىڭ بەينەسى, بالالىق شاق كورىنىستەرى كوز الدىمنان كەتەر ەمەس. سول ساعىنىشىمدى سۋرەت ارقىلى جەتكىزگىم كەلدى. سوندىقتان كورمەمدى «كوزىمنىڭ قاراسى – ۇلى دالا» دەپ اتادىم», دەدى جاس سۋرەتشى.
ارداق قۇدايبەرگەنوۆا – كەيىنگى جاس بۋىن سۋرەتشىلەر اراسىنان ءوز قولتاڭباسىمەن تانىلعان تالانت يەسى. بىرقاتار حالىقارالىق جانە رەسپۋبليكالىق بايقاۋدىڭ لاۋرەاتى. سونىڭ ىشىندە «Golden time talent» كوركەمسۋرەت بايقاۋى مەن «Dali»S Mustache» فەستيۆالىنىڭ جۇلدەگەرى اتانعان.