شىعىس قازاقستان ولىسىندا 40-قا جۋىق شەتەلدىك جاۋاپقا تارتىلدى, دەپ حابارلايدى Egemen.kz.
«قۇقىقتىق ءتارتىپ» جەدەل الدىن الۋ ءىس-شاراسى اياسىندا كوشى-قون قىزمەتى بولىمشەلەرىنىڭ قىزمەتكەرلەرى وبلىس اۋماعىندا ۋاقىتشا جانە تۇراقتى تۇراتىن شەتەل ازاماتتارىنىڭ تىركەلگەن مەكەنجايلارىن, سونداي-اق قابىلداۋشى تۇلعالاردىڭ ولارعا شەتەلدەن قوناقتار كەلگەن تۋرالى ۋاقتىلى حابارلامالارىنىڭ بولۋىن تەكسەرۋ بويىنشا جۇمىستار جۇرگىزدى.
ءۇش كۇن ىشىندە كوشى-قون زاڭناماسىن بۇزعانى ءۇشىن ءتارتىپ ساقشىلارى 98 ازاماتتى اكىمشىلىك جاۋاپكەرشىلىككە تارتقان, ولاردىڭ 39-ى شەتەلدىكتەر, سونداي-اق ولاردىڭ ەكەۋى قازاقستان اۋماعىنان تىس جەرلەرگە شىعارىلدى.
شقو پد كوشى-قون قىزمەتى قابىلداۋشى جەكە جانە زاڭدى تۇلعالارعا 3 كۇن ىشىندە كوشى-قون قىزمەتىنە ولارعا شەتەلدىك ازاماتتاردىڭ كەلگەنى تۋرالى حاباردار ەتۋگە مىندەتتى ەكەنىن ەسكەرتەدى. ۋاقتىلى حابارلاماعان جاعدايدا قابىلداۋشى تۇلعالار اكىمشىلىك جاۋاپكەرشىلىككە تارتىلادى.