شقو قۇتقارۋشىلارى اۋا رايىنىڭ قولايسىزدىعىنان ءوز كولىكتەرىنە جەتە الماي قالعان بالىقشىلارعا كومەكتەستى, دەپ حابارلايدى Egemen.kz.
شقو تجد ءباسپاسوز قىزمەتىنىڭ مالىمەتىنشە, «112» قىزمەتىنە شاقىرۋ ۇلان اۋدانىنىڭ «سىبە» كولىنەن كەلىپ تۇسكەن. 3 بالىقشى كومەك سۇراعان. بەلگىلى بولعانداي, ولار اۋا رايىنىڭ قولايسىزدىعىنا بايلانىستى ءوز كولىكتەرىنە وزدىگىنەن جەتە الماعان. بالىق اۋلاعان جەردەگى تۇتەك بوران ولاردى تىعىرىققا تىرەگەن. وقيعا ورنىنا كەلگەن ۇلان اۋدانىنىڭ تج 13 ءورت ءسوندىرۋ بەكەتىنىڭ قىزمەتكەرلەرى سول جەرگە جاياۋ بارىپ, ءۇش ادامدى كول جاعاسىنا, ولاردىڭ كولىگىنە جەتكىزگەن. قاۋىپسىزدىك ماقساتىندا جاقىن ماڭداعى بوزانباي اۋىلىنا دەيىن ەرىپ جۇرگەن.
قۇتقارۋشىلار تۇرعىنداردان تاۋەكەلگە بارماۋدى جانە مارشرۋتتىڭ قاۋىپسىزدىگىنە كوز جەتكىزىپ, ەلدى مەكەندەردەن تىس جەرلەرگە شىقپاۋدى, مۇزدىڭ قالىڭدىعى كەمىندە 10 سم مۇزعا جەتكەندە عانا شىعۋدى سۇرادى. توتەنشە جاعداي كەزىندە «112» ءنومىرى بويىنشا حابارلاۋ قاجەت.