بۇگىن ۇكىمەت وتىرىسىندا پرەمەر-ءمينيستردىڭ ورىنباسارى – قارجى ءمينيسترى ەرۇلان جاماۋباەۆ ەكونوميكانى مونوپولياسىزداندىرۋ جوسپارلارى تۋرالى ايتتى, دەپ حابارلايدى Egemen.kz.
ەرۇلان جاماۋباەۆ ەكونوميكانى مونوپولياسىزداندىرۋ ماقساتىندا مينيسترلەر كابينەتى باسشىسىنىڭ باسشىلىعىمەن ارنايى كوميسسيا قۇرىلىپ, جۇمىس ىستەپ جاتقانىن اتاپ ءوتتى.
ونىڭ ايتۋىنشا, قازىردىڭ وزىندە كوميسسيانىڭ 25 وتىرىسى ءوتىپ, ونىڭ قورىتىندىسى بويىنشا بۇرىن جەكەشەلەندىرىلگەن جانە باسەكەلەس ورتاعا بەرىلگەن نىسانداردىڭ ىشىنەن مەملەكەت مەنشىگىنە بەرىلەتىن وبەكتىلەردى تاڭداۋ كريتەريلەرى ازىرلەنگەن.
«تەلەكوممۋنيكاتسيا, تەمىرجول ينفراقۇرىلىمى, ەكولوگيا جانە قوناق ءۇي بيزنەسى, اق مەن جشس اكتسيالار پاكەتتەرى مەن ۇلەستەرى, جىلجىمايتىن م ۇلىك پەن اقشا مەملەكەت مەنشىگىنە الىندى. كولىك جانە تەمىرجول ينفراقۇرىلىمى سالاسىنداعى 26 كاسىپورىن مەملەكەت مەنشىگىنە قايتارىلدى. بۇل باعىتتاعى جۇمىس كۇشەيتىلۋدە», دەدى قارجى ءمينيسترى ەرۇلان جاماۋباەۆ.