كەشە تۇركىستان وبلىسىنىڭ ساۋران جانە سوزاق اۋداندارىنداعى ىقتيمال سۋ تاسقىنى مەن سەل جاعدايلارىنىڭ تاۋەكەلدەرىن باعالاۋ ماقساتىندا قۇتقارۋشىلار مەن اكىمدىك وكىلدەرى قازاۆياقۇتقارۋ تىكۇشاعىندا 21 سۋ قويماسى مەن تاۋلى اۋماقتى اينالىپ ءوتتى, دەپ حابارلايدى Egemen.kz توتەنشە جاعدايلار مينيسترلىگىنىڭ ءباسپاسوز قىزمەتىنە سىلتەمە جاساپ.
ەكولوگيا, گەولوگيا جانە تابيعي رەسۋرستار جانە كوزبەن شولىپ قاراۋ مينيسترلىگى سۋ رەسۋرستارى كوميتەتىنىڭ سىرداريا باسسەيندىك ينسپەكتسياسىنىڭ دەرەكتەرىنە سايكەس ساۋران اۋدانىنىڭ 8 سۋ قويماسىنىڭ جانە سوزاق اۋدانىنىڭ اۋماعىنداعى 13 سۋ قويماسىنىڭ جاي-كۇيى جارامدى دەپ باعالانادى جانە ولاردا كولەمنىڭ شامامەن 20-25 پايىزى جيناقتالعان. قاراتاۋ بوكتەرىندە قاردىڭ جيناقتالعان قورى 4-6 سم قۇرايدى.
جىل باسىنان بەرى بارلىعى 13 اەروۆيزۋالدى ۇشۋ جۇرگىزىلدى. تۇركىستان وبلىسىنىڭ توتەنشە جاعدايلار دەپارتامەنتى سۋ تاسقىنى قاۋپى بار كەزەڭدە سۋ قويمالارىنىڭ گيدروتەحنيكالىق قۇرىلىستارىنىڭ جاي-كۇيىن جانە ولاردىڭ جۇمىس رەجيمىن تۇراقتى باقىلاۋدا ۇستايدى.