الكوگولدىك ىشىمدىكتەر ىشپەڭىز, ماس ادامنىڭ دەنەسى تەز توڭازيدى. ۇسىك العاندىعى تۋرالى بەلگىلەرگە نازار اۋدارا المايدى. سۋىقتا تەمەكى شەكپەڭىز, تەمەكى شەگۋ ادامنىڭ پەريفەريالىق قان اينالىمىن ازايتادى, اياق-قولدى السىرەتەدى.
كەڭ كيىم كيىڭىز, بۇل قاننىڭ قالىپتى اينالىمىنا ىقپال ەتەدى. سىرتقى كيىم مىندەتتى تۇردە سۋ وتكىزبەيتىن بولۋى كەرەك.
قولعاپسىز, قالپاقسىز جانە شارفسىز ايازعا شىقپاڭىز. جەلدى, سۋىق اۋا رايىندا, سىرتقا شىقپاس بۇرىن, دەنەنىڭ اشىق جەرلەرىن ارنايى كرەممەن مايلاڭىز.
ايازدا ۇزاق سەرۋەندەگەننەن كەيىن ۇيگە ورالعاندا, اياق-قولدىڭ, ارقانىڭ, قۇلاقتىڭ, مۇرىننىڭ جانە ت.ب. ءۇسىپ قالماعانىنا كوز جەتكىزىڭىز.
سەرۋەندەۋ كەزىندە ءسىز توڭعانىڭىزدى سەزسەڭىز, جىلىنۋ ءۇشىن مۇمكىندىگىنشە كەز - كەلگەن جىلى جەرگە, اتاپ ايتقاندا دۇكەنگە, دامحاناعا, ۇيگە كىرىڭىز.
ەگەر ءسىزدىڭ كولىگىڭىز ەلدى مەكەننەن الىس نەمەسە بەيتانىس جەردە توقتاپ قالسا, كولىكتە قالىپ, تەلەفون ارقىلى كومەك سۇراعانىڭىز ءجون نەمەسە جولدا باسقا كولىكتىڭ ءوتۋىن كۇتكەن دۇرىس.
جەلدەن قورعانىڭىز, جەلدە ۇسىك الۋ ىقتيمالدىعى الدەقايدا جوعارى.
سۋىقتا ۇزاق سەرۋەندەۋ ءۇشىن وزىڭىزبەن بىرگە اۋىستىراتىن ءبىر-ەكى ش ۇلىق, قولعاپ جانە ىستىق شاي تەرموسىن الىپ جۇرگەن ءجون.
بالالاردا دەنەنىڭ جىلۋ رەتتەلۋى ءالى تولىق قالىپتاسپاعانىن ەستە ۇستاعان ءجون. سوندىقتان, بالانى ايازدى كۇنى دالاعا سەرۋەندەۋگە جىبەرگەندە, وعان ءار 15-20 مينۋت سايىن جىلى جەرگە كىرۋ كەرەك ەكەنىن ۇمىتپاڭىز.
ەگەر وقيعالار ورىن السا, 112 نومىرىنە قوڭىراۋ شالىڭىز.