قازاقستاندىقتار جانەل رۇستەموۆا مەن ارۋجان ساعىندىقوۆا مىسىردىڭ شارم-ەل-شەيح قالاسىندا ءوتىپ جاتقان ITF ءتۋرنيرىنىڭ العاشقى اينالىمىندا ءوزارا كەزدەستى, دەپ حابارلايدى Egemen.kz قتف-عا سىلتەمە جاساپ.
18 جاستاعى جانەل نەگىزگى دوداعا ىرىكتەۋ سايىستارىنان كەيىن جولداما الدى. جۇلدە قورى 15 مىڭ اقش دوللارىنا باعالانعان جارىستا رۇستەموۆا 17 جاستاعى كوماندالاس قۇربىسى ساعىندىقوۆانى 6:3, 6:2 ەسەبىمەن ۇتتى.
جانەل شيرەك فينالعا شىعۋ ءۇشىن ءتۋرنيردىڭ 7-راكەتكاسى, فرانتسيالىق ناييا بەرەكوەچەامەن تالاسادى.
وسى جارىستا رۇستەموۆا مەن ساعىندىقوۆا جۇپتىق سىندا شيرەك فينالعا شىقتى. ولار رەسەيلىكتەر ەليزاۆەتا ماشنا – ەليزاۆەتا موروزوۆامەن جارتىلاي فينال جولداماسىن ساراپقا سالادى.