بۇگىن سەنات وتىرىسىندا سەنات دەپۋتاتى ناريمان تورەعاليەۆتىڭ وكىلەتتىگى توقتاتىلدى, دەپ حابارلايدى Egemen.kz.
سەنات توراعاسى ماۋلەن اشىمباەۆ پالاتانىڭ جالپى وتىرىسىندا مەملەكەت باسشىسىنىڭ جارلىعىمەن ناريمان تورەعاليەۆتىڭ باتىس قازاقستان وبلىسىنىڭ اكىمى بولىپ تاعايىندالىپ, جاڭا قىزمەتكە كىرىسكەنىن اتاپ ءوتتى.
ناريمان تورەعاليەۆ 1964 جىلى دۇنيەگە كەلگەن. جامبىل گيدرومەليوراتيۆتىك-قۇرىلىس ينستيتۋتىن جانە كاسپي مەملەكەتتىك ۋنيۆەرسيتەتىن بىتىرگەن. ەكونوميكا عىلىمدارىنىڭ ماگيسترى.
2017 جىلدان باستاپ سەناتتىڭ الەۋمەتتىك-مادەني دامۋ جانە عىلىم كوميتەتىندە دەپۋتات بولىپ قىزمەت اتقاردى.