اباي وبلىسى ءىىد ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى الكوگول ونىمدەرىن ساتاتىن استىرتىن تسەحتى جويدى, دەپ حابارلايدى Egemen.kz Polisia.kz Telegram ارناسىنا سىلتەمە جاساپ.
كونترافاكتىلىك الكوگولدى 57 جاستاعى سەمەي تۇرعىنى ءۇي-جايىنداعى جەرتولەسىنە جيناقتاپ, قولمەن قۇيۋ تسەحىنىڭ جەلىسىن جابدىقتاعان.
پوليتسەيلەر ءارتۇرلى كولەمدەگى 12 كانيستردەن 1500 ليتردەن استام الكوگولدى تاركىلەدى. تاركىلەنگەن الكوگولدىڭ جالپى قۇنى 2,5 ميلليون تەڭگەدەن اسادى. زاڭسىز ونىمدەردىڭ ۇلگىلەرى فيزيكا-حيميالىق ساراپتاماعا جىبەرىلدى.
«بۇل فاكت اباي وبلىسى بويىنشا ەكونوميكالىق تەرگەۋ دەپارتامەنتىنە ءىس جۇرگىزۋ شەشىمىن قابىلداۋ ءۇشىن تىركەلىپ, جىبەرىلدى», دەدى اباي وبلىسى پد ۇققىقب باستىعىنىڭ ورىنباسارى اسەت شاحانتاەۆ.