مەملەكەت باسشىسىنىڭ جارلىعىمەن نۇرلان تەلمان ۇلى ۇرانحاەۆ اباي وبلىسىنىڭ اكىمى لاۋازىمىنا تاعايىندالدى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
نۇرلان ۇرانحاەۆ 1965 جىلعى 4 مامىردا دۇنيەگە كەلگەن. ۆ. ي. لەنين اتىنداعى قازاق پوليتەحنيكالىق ينستيتۋتىندا «ينجەنەر-مەحانيك» ماماندىعىن, قازاق قارجى-ەكونوميكالىق ينستيتۋتىندا «ەكونوميست-مەنەدجەر» ماماندىعىن, شىعىس قازاقستان مەملەكەتتىك تەحنيكالىق ۋنيۆەرسيتەتىندە «ينجەنەر-قۇرىلىسشى» ماماندىعىن وقىعان.
ەڭبەك جولىن 1987 جىلى سەمەي قالاسىنىڭ «كازپرومتەحمونتاج» ترەسىندە شەبەر, پروراب بولىپ باستاعان.
1995-1997 جىلدارى — سەمەي قالاسىنىڭ «سارى-ارقا» اق سەنىم بىلدىرىلگەن باسقارۋشىسى.
2001-2003 جىلدارى — «كازيركۋتسكلەس» جتاق باس ديرەكتورى (يركۋتسك وبلىسى).
2003-2005 جىلدارى — شىعىس قازاقستان وبلىسىنىڭ ەنەرگەتيكا, تۇرعىن ءۇي-كوممۋنالدىق شارۋاشىلىق, قۇرىلىس جانە كولىك باسقارماسىنىڭ باستىعى.
2005-2006 جىلدارى — شىعىس قازاقستان وبلىسى كۇردەلى قۇرىلىس باسقارماسىنىڭ باستىعى.
2006-2007 جىلدارى — شىعىس قازاقستان وبلىسى اكىمىنىڭ ورىنباسارى.
2007 ج.— استانا قالاسى, قر تجم مەملەكەتتىك ماتەريالدىق رەزەرۆتەر كوميتەتى توراعاسىنىڭ ورىنباسارى.
2008 جىلى — قازاقستان رەسپۋبليكاسى پرەزيدەنتى اكىمشىلىگىنىڭ مەملەكەتتىك ينسپەكتورى, استانا قالاسى.
2009-2010 جىلدارى — «ەرتىس» اكك باسقارما توراعاسىنىڭ ورىنباسارى, سەمەي.
2010-2013 جىلدارى — قىزىلوردا وبلىسى اكىمىنىڭ ورىنباسارى.
2013-2014 جىلدارى — سەمەي قالاسى گۋمانيتارلىق يننوۆاتسيالىق زاڭ ۋنيۆەرسيتەتى پرەزيدەنتىنىڭ كەڭەسشىسى.
2014 ج. — قر تۇتىنۋشىلاردىڭ قۇقىقتارىن قورعاۋ اگەنتتىگى توراعاسىنىڭ ورىنباسارى, استانا قالاسى.
2015-2017 جىلدارى — ۇلتتىق ەكونوميكا مينيسترلىگىنىڭ «قازقسعزي» اق باس ديرەكتورى, استانا.
2017-2018 جىلدارى — الماتى قالاسى ساۋلەت جانە قالا قۇرىلىسى باسقارماسىنىڭ باسشىسى.
2019 جىلعى 13 مامىردان باستاپ — استانا قالاسىنىڭ ساۋلەت, قالا قۇرىلىسى جانە جەر قاتىناستارى باسقارماسىنىڭ باسشىسى.
2022 جىلدىڭ ماۋسىمىنان اباي وبلىسىنىڭ اكىمى بولدى. بۇگىن وسى قىزمەتكە پرەزيدەنت جارلىعىمەن قايتا تاعايىندالدى.