KASE قازاقستان قور بيرجاسى 15:30-داعى جاعداي بويىنشا دوللاردىڭ ورتاشا ولشەنگەن باعامى 468,45 تەڭگەنى قۇراپ, تاعى 0,45 تەڭگەگە تومەندەگەنىن حابارلادى, دەپ جازادى Egemen.kz.
كۇندىزگى ساۋدا-ساتتىق قورىتىندىسى بويىنشا, رەسەي ءرۋبلىنىڭ ورتاشا ولشەنگەن باعامى 7,69 تەڭگەنى قۇرادى.
قىتاي ءيۋانىنىڭ ورتاشا ولشەنگەن باعامى كوتەرىلىپ, 66,40 تەڭگە (+0,83) بولدى.
ەۋرو بويىنشا ساۋدا-ساتتىق وتكىزىلگەن جوق. ۇلتتىق بانك ەۋرو باعامىن 485,64 تەڭگەگە بەلگىلەدى.
ايىرباستاۋ پۋنكتتەرىندە دوللاردى - 467,5-472 تەڭگەدەن, ەۋرونى - 487-493,5 تەڭگەدەن, رەسەي ءرۋبلىن - 7,32-7,47 تەڭگەدەن ساتىپ الادى/ساتادى.
سونىمەن قاتار 1 جەلتوقسانداعى ساۋدا-ساتتىق بارىسىندا مۇنايدىڭ الەمدىك باعاسى ازداپ تومەندەدى.
ماسەلەن, Brent ماركالى اقپان فيۋچەرستەرى 0,32%-عا ارزانداپ, باررەلىنە 86,69 دوللاردى قۇرادى.
قاڭتار WTI فيۋچەرستەرىنىڭ باعاسى 0,27%-عا تومەندەپ, باررەلىنە 80,33 دوللارعا جەتتى.