كارىز-تازارتۋ قۇرىلىستارىن رەكونسترۋكتسيالاۋعا قاراجات ءبولۋ قاجەت - سەناتور

سەناتور اسىرەسە, الماتى وبلىسىنىڭ وبلىس ورتالىعىنداعى كارىز سۋلارىن تازارتۋ قۇرىلىستارىنىڭ جاي-كۇيىنە جانە ءوڭىر تۇرعىندارىن اۋىز سۋمەن قامتاماسىز ەتەتىن قاپشاعاي سۋ قويماسىنا اعىندى سۋلاردىڭ ءتۇسۋ قاۋپى جوعارى ەكەندىگىنە الاڭداۋشىلىق ءبىلدىردى.

«قوناەۆ قالاسىنىڭ كارىز تازارتۋ قۇرىلىستارى 1968 جىلى پايدالانۋعا بەرىلدى, بۇل رەتتە عيماراتتار مەن قۇرىلىستار 100% توزعان. سۋ قويماسى بالقاش كولىنە دەيىن لاستانعان جاعدايدا اۋقىمدى ەكولوگيالىق اپات ورىن الۋى مۇمكىن. قازىرگى جاعدايدا قوناەۆ قالاسىنىڭ اۋماعىندا جەرگىلىكتى اۋقىمداعى تەحنوگەندىك سيپاتتاعى توتەنشە جاعداي جاريالاندى. تەز ارادا قالانىڭ كارىز-تازارتۋ قۇرىلىستارىن رەكونسترۋكتسيالاۋعا قاراجات ءبولۋ قاجەت», دەدى سەناتور.

سەناتور دەپۋتاتتىق ساۋالىندا ساياجاي تۇرعىندارىنىڭ ماسەلەسىن دە كوتەردى. دەپۋتاتتىڭ ايتۋىنشا, الماتى قالاسى ماڭىنداعى ساياجاي تۇرعىندارى الەۋمەتتىك نىسانداردىڭ جوقتىعىنا, جولدىڭ ناشارلىعىنا, اۋىز سۋدىڭ ساپاسىزدىعىنا, ەلەكتر قۋاتىنىڭ ءجيى سونۋىنە جانە قوعامدىق كولىكتىڭ كەلمەيتىنىنە شاعىمدانادى. سونداي-اق اۋىل مارتەبەسىنىڭ جوقتىعىنان «نۇرلى جەر» مەملەكەتتىك باعدارلاماسىندا ساياجايلارعا ينفراقۇرىلىم جۇرگىزۋ قاراستىرىلماعان. سەناتوردىڭ ايتۋىنشا, الماتى وبلىسىندا 183 مىڭنان استام ادام تۇراتىن ساياجاي بار.

«قازاقستان رەسپۋبليكاسىنىڭ اكiمشiلiك-اۋماقتىق قۇرىلىسى تۋرالى» زاڭىنا سايكەس ستراتەگيالىق جانە الەۋمەتتىك-ەكونوميكالىق جاعدايلارىن ەسەپكە الىپ جانە سانيتارلىق نورمالاردى قاراستىرا وتىرىپ, ساياجايلارعا ەلدى مەكەن مارتەبەcىن بەرۋ بويىنشا كەشەندى جوسپار قاراستىرۋ قاجەت. ەگەر ساياجايلارداعى تۇرعىن­دار­دىڭ 183 مىڭى الماتى سىندى الىپ مەگاپوليستىڭ اينالا­سىن­داعى اۋدانداردا تۇراتىندىعىن ەسكەرسەك, ولاردىڭ ەلدى مەكەن ستا­تۋسىن الۋى, وڭتۇستىك استانا­نىڭ جۇكتەمەسىن جەڭىلدەتىپ قانا قويماي, وبلىستىڭ دا وركەندەۋىنە وزىندىك سەرپىن بەرەدى», دەدى سەناتور جانبولات جورگەنباەۆ.

سەناتور قوناەۆ قالاسىنان تەمىرجول باعىتتارىن اشۋ, قولدانىستاعى وبلىس ىشىندەگى اۆتوموبيل جولدارىن كەڭەيتۋ, اۆتوۆوكزالدار مەن اۆتوبەكەتتەر سالۋدىڭ ماڭىزدىلىعىن دا اتاپ ءوتتى.