ىشكى ىستەر ءمينيسترىنىڭ ورىنباسارى يگور لەپەحا 26 قاراشا كۇنى استانادا وتكەن زاڭسىز شەرۋگە قاتىستى پىكىر ءبىلدىردى. ونىڭ ايتۋىنشا, 18 ادام ۇستالىپ, اكىمشىلىك جاۋاپكەرشىلىككە تارتىلدى, دەپ حابارلايدى Egemen.kz.
«ميتينگ بولعان جوق. جينالعان ادامدار زاڭسىز شەرۋ وتكىزگەن, پوليتسيا ونى تەز ارادا تارقاتتى. جالپى, زاڭسىز شەرۋگە 300-گە جۋىق ادام قاتىستى. ۇيىمداستىرۋشى ۇستالىپ, 15 تاۋلىككە اكىمشىلىك قاماۋعا الىندى», دەدى يگور لەپەحا جۋرناليستەردىڭ سۇراقتارىنا جاۋاپ بەرىپ.
ونىڭ ايتۋىنشا, قازىرگى ۋاقىتتا زاڭسىز شەرۋ قانداي ماقساتپەن ۇيىمداستىرىلعانى انىقتالىپ جاتىر. انىقتالعانداي, بۇل شەرۋگە باسقا ايماقتاردىڭ تۇرعىندارى دا قاتىسقان.