يناۋگۋراتسيا – ماڭىزدى ساياسي ءراسىم. سايلانعان پرەزيدەنت رەسمي تۇردە قىزمەتىنە كىرىستى. بۇل رەتتە پرەزيدەنتتىڭ مانداتى 2022 جىلى قابىلدانعان كونستيتۋتسياعا ەنگىزىلگەن تۇزەتۋلەرمەن ايتارلىقتاي شەكتەلگەنىن ءتۇسىنۋ قاجەت.
ەندى پرەزيدەنت ساياسي پارتيانىڭ مۇشەسى بولا المايدى, وبلىس اكىمدەرىنىڭ شەشىمدەرىن جويا المايدى, ءتىپتى ونىڭ تۋىستارىنا دا شەكتەۋلەر قولدانىلادى. ەڭ ماڭىزدى شەكتەۋ – پرەزيدەنتتىك مەرزىمنىڭ ءبىر رەتتىك بولۋى. باسقاشا ايتقاندا, ق.توقاەۆ ءۇشىن جاڭا كەزەڭ باستالدى. ونىڭ ناتيجەلەرى بويىنشا ول ەل تاريحىندا قالادى. قازىر سايلاۋالدى باعدارلامادا ايتىلعان بارلىق ەرەجەنى ىسكە اسىرۋ مىندەتى تۇر.
ق.توقاەۆتىڭ سايلاۋالدى باعدارلاماسىنىڭ ەرەجەلەرىن ىسكە اسىرۋ جوسپارى قابىلدانادى دەپ كۇتىلەدى. بۇل ساياسي جۇيەنى ودان ءارى جاڭعىرتۋ, اۋداندار مەن رەسپۋبليكالىق ماڭىزى بار قالالار اكىمدەرىنىڭ تىكەلەي سايلانۋىن ەنگىزۋ, قۇقىق قورعاۋ ينستيتۋتتارىن كۇشەيتۋ سياقتى ماسەلەلەر تاياۋ جىلدارداعى ەلدىڭ دامۋ كۇن تارتىبىندەگى ماڭىزدى ماسەلەلەرگە اينالاتىنىن بىلدىرەدى.
«كۇشتى پرەزيدەنت – ىقپالدى پارلامەنت – ەسەپ بەرەتىن ۇكىمەت» فورمۋلاسى بويىنشا مەملەكەتتىك باسقارۋ جۇيەسىن قايتا قۇرۋ مەملەكەت باسشىسىنان باسقا, ونى قۇرۋعا بيلىكتىڭ بارلىق تارماقتارى – زاڭ شىعارۋشى, اتقارۋشى جانە سوت بەلسەندى قاتىسادى دەپ بولجايدى. سايلاۋ تسيكلى جالعاسۋدا. ءبىزدىڭ الدىمىزدا كونستيتۋتسيالىق سوت, ارالاس سايلاۋ جۇيەسى بويىنشا ءماجىلىس پەن ءماسليحاتتار قۇرۋ مىندەتى تۇر, سونداي-اق ۇكىمەت جاڭارتىلادى. پرەزيدەنت سايلاۋى ساياسي ترانسفورماتسياعا كۇشتى سەرپىن بەردى.
ەرمەك توقتاروۆ,
پرەزيدەنت جانىنداعى قسزي ساياسي زەرتتەۋلەر ءبولىمىنىڭ باسشىسى