تاجىريبە الماسقان كەزدەسۋگە «Egemen Qazaqstan» گازەتىنىڭ باسشىلارى مەن رەداكتورلارى, سونداي-اق ەۋرازيا ۇلتتىق ۋنيۆەرسيتەتىنىڭ ستۋدەنتتەرى قاتىستى, دەپ حابارلايدى Egemen.kz.
كەزدەسۋ بارىسىندا «Egemen Qazaqstan» گازەتىنىڭ باس رەداكتورى عابيت مۇسىرەپ ستۋدەنتتەرگە باسىلىمنىڭ قۇرىلىمى مەن وندىرىستىك جۇمىسىن تانىستىرىپ ءوتتى. سونىمەن قاتار باس ديرەكتوردىڭ ورىنباسارى قامبار احمەتوۆ پەن باس رەداكتوردىڭ ورىنباسارلارى وزدەرىنىڭ جۋرناليستيكا سالاسىنداعى تاجىريبەلەرىمەن ءبولىسىپ, اقىل-كەڭەستەرىن ايتتى. ستۋدەنتتەر دە جۋرناليستيكا سالاسىنا قاتىستى ءوز ويلارىن ءبىلدىرىپ, سۇراقتارىن قويىپ, بەلسەندىلىك تانىتتى.
ستۋدەنتتەردىڭ ءبىرى ء«بىتىرۋشى تۇلەكتەرگە مامان رەتىندە قانداي كەڭەس بەرەسىزدەر؟» دەگەن سۇراق قويدى.
«ناعىز جۋرناليستەرگە ەڭ قاجەتتى دۇنيە ءبىرىنشى ىشكى تۇيسىك, ەكىنشى ينتەللەكت, ءۇشىنشى قىزىعۋشىلىق. جالپى, جۋرناليستيكا وزدىك بىلىممەن كەلەتىن دۇنيە. جۋرناليستەر ءومىر بويى وقىپ, ءوز بىلىمدەرىن تەرەڭدەتە ءتۇسۋى قاجەت», دەپ جاۋاپ بەردى باس رەداكتوردىڭ ورىنباسارى تالعات باتىرحان.
بۇدان سوڭ, جاۋاپتى حاتشىنىڭ ورىنباسارى امانگەلدى قياس ستۋدەنتتەرگە گازەتتىڭ ءوندىرىسىن كورسەتىپ, تانىستىردى.