اتىراۋ وبلىسىندا اكىمدىك قىزمەتكەرلەرى كوپبالالى وتباسىلارعا ارنالعان ءۇي سالۋ كەزىندە اتقارىلعان جۇمىستار تۋرالى 330 ميلليون تەڭگەلىك جالعان اكتىگە قول قويدى. بۇل تۋرالى اتىراۋ وبلىسىنىڭ سىبايلاس جەمقورلىققا قارسى قىزمەتىنىڭ باسشىسى ەران دوسانوۆ مالىمدەدى, دەپ حابارلايدى Egemen.kz.
اققىستاۋ اۋىلىندا 60 پاتەرلى ءۇش قاباتتى تۇرعىن ءۇي سالۋ بارىسىندا مەملەكەتتىك بيۋدجەت قاراجاتىن ۇرلاعان بولۋى مۇمكىندىگى انىقتالدى.
«قۇرىلىس بارىسىندا يساتاي اۋدانى اكىمدىگىنىڭ لاۋازىمدى تۇلعالارى اتقارىلعان جۇمىستار تۋرالى جالعان اكتىگە قول قويعان. ياعني, بارلىق ءۇش تۇرعىن ءۇي بويىنشا جۇمىس 330 ميلليون تەڭگەدەن استام سوماعا ورىندالمادى. دەپارتامەنت وبلىس باسشىلىعىنىڭ اتىنا حات جولدادى», دەدى دوسانوۆ.
ەندى نىساننىڭ قۇرىلىسى سىبايلاس جەمقورلىققا قارسى قىزمەتتىڭ باقىلاۋىندا بولادى.