جاڭا دەپۋتات فۋات ساتىباەۆ قازاقستان رەسپۋبليكاسى پارلامەنتى ءماجىلىسىنىڭ دەپۋتاتى رەتىندە انت قابىلدادى, دەپ حابارلايدى Egemen.kz.
«قازاقستان حالقىنا ادال قىزمەت ەتۋگە, قازاقستان رەسپۋبليكاسىنىڭ تۇتاستىعى مەن تاۋەلسىزدىگىن نىعايتۋعا, ونىڭ كونستيتۋتسياسى مەن زاڭدارىن مۇلتىكسىز ورىنداۋعا, وزىمە جۇكتەلگەن دەپۋتاتتىق جوعارى مىندەتتەردى ادال اتقارۋعا انت ەتەمىن», دەدى فۋات ساتىباەۆ پالاتانىڭ جالپى وتىرىسىندا.
ءوز كەزەگىندە ءماجىلىس سپيكەرى ەرلان قوشانوۆ ونىڭ جۇمىسىنا ساتتىلىك تىلەدى. جاڭا دەپۋتات حالىقارالىق ىستەر, قورعانىس جانە قاۋىپسىزدىك كوميتەتىنە سايلاندى.
بۇعان دەيىن ورتالىق سايلاۋ كوميسسياسى قازاقستان رەسپۋبليكاسى پارلامەنتى ءماجىلىسىنىڭ دەپۋتاتى فۋات ساتىباەۆتى تىركەگەن بولاتىن.
فۋات ساتىباەۆ پاۆلودار وبلىسىندا حيرۋرگ, دەنساۋلىق ساقتاۋدىڭ قۇرمەتتى قىزمەتكەرى رەتىندە تانىمال. 2021 جىلعى 10 قاڭتاردا «اقجول» پارتياسىنان پاۆلودار وبلىستىق ءماسليحاتىنىڭ VII شاقىرىلىمىنىڭ دەپۋتاتى بولىپ سايلاندى, VII شاقىرىلىمداعى وبلىستىق ءماسليحاتتىڭ ەكونوميكا جانە بيۋدجەت جونىندەگى تۇراقتى كوميسسياسىنىڭ مۇشەسى بولدى.