بۇگىن كوكشەتاۋ قالاسىندا ەرلىكپەن قازا تاپقان ازاماتتىق قورعاۋ كاپيتانى زابيكۋلين اسقار سەرىك ۇلىن ارىپتەستەرى مەن تۋعان-تۋىستارى سوڭعى ساپارعا شىعارىپ سالدى, دەپ حابارلايدى Egemen.kz.
«ساعات 12.00-دە رەسپۋبليكا بويىنشا توتەنشە جاعدايلار مينيسترلىگىنىڭ اۋماقتىق بولىمشەلەرى ءبىر مينۋتتىق ۇنسىزدىكپەن ەسكە الدى. اسقار زابيكۋلين تۋعان جەرىندە, ەڭبەكشىلدەر اۋدانى, كازگورودوك اۋىلىندا جەرلەندى», دەلىنگەن تجم حابارلاماسىندا.
ايتا كەتەيىك, دارىگەرلەر اسقار زابيكۋليننىڭ ءومىرىن ساقتاپ قالۋ ءۇشىن بىرنەشە كۇن كۇرەستى. الايدا 20 قاراشادا ول اۋرۋحانادا كوز جۇمدى. اسقار زابيكۋلين 16 قاراشادا استانادا ءورت شىققان ۇيدەن تۇرعىنداردى قۇتقارعان. ءورت كەزىندە تاعى ءبىر ءورت ءسوندىرۋشى زارداپ شەكتى.
اتالعان فاكتى بويىنشا قىزمەتتىك تەكسەرىس جۇرگىزىلۋدە.
مەملەكەت باسشىسى قاسىم-جومارت توقاەۆ ءورت سوندىرۋشىلەردى ماراپاتتاۋ تۋرالى جارلىققا قول قويدى. اسقار زابيكۋليننىڭ وتباسىنا ءۇش بولمەلى پاتەر بەرىلەدى. ەلوردا كوشەلەرىنىڭ بىرىنە اسقار زابيكۋليننىڭ ەسىمى بەرىلىپ, ءبيۋستى ورناتىلادى.