بۇگىن تىنىق مۇحيتىنىڭ وڭتۇستىگىندەگى سولومون ارالدارىندا قۋاتتى جەر سىلكىنىسى بولدى, دەپ حابارلايدى Egemen.kz.
امەريكالىق سەيسمولوگيالىق قىزمەتتىڭ مالىمەتىنشە, جەر سىلكىنىسىنىڭ كۇشى 7 بالدى قۇراعان. ءزىلزالانىڭ وشاعى گۆادالكانال ارالىنداعى مالانگو قالاسىنا جاقىن جەردە, 15 شاقىرىم تەرەڭدىكتە بولدى.
مەتەورولوگتار باستاپقىدا تسۋنامي قاۋپى تۋرالى ەسكەرتۋ جاساعان. ازىرگە قازا بولعاندار, زارداپ شەككەندەر نەمەسە ءىرى قيراۋلار تۋرالى اقپارات تۇسكەن جوق. بىراق جەرگىلىكتى باق عيماراتتارعا زاقىم كەلگەنىن حابارلادى. كوپتەگەن ادامدار ۇرەيلەنىپ, جاعالاۋداعى اۋدانداردان بيىك جەرلەرگە قاشىپ كەتتى.
مالانگو قالاسى سولومون ارالدارىنىڭ استاناسى حونيارادان 40 شاقىرىمنان از جەردە ورنالاسقان.
كەشە يندونەزيانىڭ ياۆا ارالىندا بولعان جويقىن جەر سىلكىنىسى سالدارىنان 160-تان استام ادام قازا تاۋىپ, جۇزدەگەن ادام جاراقات الدى.
سولومون ارالدارى مەن يندونەزيادا جەر سىلكىنىسى ءجيى تىركەلەدى. مۇندا 540 بەلسەندى جانارتاۋلاردىڭ 328-ءى ورنالاسقان.