KASE قازاقستان قور بيرجاسى 15:30-داعى جاعداي بويىنشا دوللاردىڭ ورتاشا ولشەنگەن باعامى 462,75 تەڭگەنى قۇراپ, 0,74 تەڭگەگە تومەندەگەنىن حابارلادى, دەپ جازادى Egemen.kz.
رەسەي ءرۋبلىنىڭ ورتاشا ولشەنگەن باعامى 7,62 تەڭگەنى قۇرادى.
قىتاي ءيۋانىنىڭ ورتاشا ولشەنگەن باعامى تومەندەپ, 64,72 تەڭگەنى (-0,08) قۇرادى.
ەۋرو بويىنشا ساۋدا-ساتتىق وتكىزىلگەن جوق. ۇلتتىق بانك ەۋرو باعامىن 473,93 تەڭگەگە بەلگىلەدى.
ايىرباستاۋ پۋنكتتەرىندە دوللاردى 463-466,5 تەڭگەدەن, ەۋرونى - 473-478 تەڭگەدەن, رەسەي ءرۋبلىن - 7,23-7,4 تەڭگەدەن ساتىپ الادى/ساتادى.
سونىمەن قاتار 22 قاراشاداعى ساۋدا-ساتتىق بارىسىندا الەمدىك مۇناي باعاسى ءبىرشاما ءوستى.
ماسەلەن Brent سورتىنا ارنالعان قاڭتار فيۋچەرستەرىنىڭ قۇنى 0,46%-عا ءوسىپ, باررەلىنە 87,85 دوللاردى قۇرادى.
WTI مۇناي فيۋچەرستەرىنىڭ باعاسى قاڭتار ايىندا 0,35%-عا, باررەلىنە 80,32 دوللارعا دەيىن كوتەرىلدى.