اقتوبەدە قۇتقارۋشىلار مال ىزدەۋگە شىعىپ, قايتا ورالماعان 52 جاستاعى ەر ادامدى تاپتى, دەپ حابارلايدى Egemen.kz تجم ءباسپاسوز قىزمەتىنە سىلتەمە جاساپ.
«2022 جىلعى 21 قاراشا كۇنى 18 ساعات 50 مينۋتتا بايعانين اۋدانى, كولتابان اۋىلدىق وكرۋگىندە 52 جاستاعى ەر ادامنىڭ مال ىزدەۋگە شىعىپ قايتا ورالماعانى بويىنشا اقپارات كەلىپ ءتۇستى. وقيعا ورنىنا قۇتقارۋشىلار بىردەن شىعىپ جوعالعان ازاماتتى ىزدەۋگە كىرىستى. ناتيجەسىندە قۇتقارۋشىلاردىڭ كۇشىمەن 21 ساعات 00 مينۋتتا اداسقان ازامات سورقۇدىق پودحوزىنان 3 شاقىرىم قاشىقتىقتان امان-ەسەن تابىلدى. زارداپ شەككەن جوق, سول سەبەپتى مەديتسينالىق كومەكتى قاجەت ەتپەدى», دەلىنگەن حابارلامادا.
بۇدان باسقا قۇتقارۋشىلار 1967 جىلى تۋعان تاعى ءبىر ادامدى ىزدەستىرىپ جاتىر. ول 21 قازاندا بالىق اۋلاۋ كەزىندە جوعالىپ كەتكەن. ىزدەۋ جۇمىستارى ءالى دە جالعاسىپ جاتىر.