سولتۇستىكتەگى سۇرانىسقا يە ونىمدەر

«كيرپيچ» سك جشس قۇرىلتايشىسى گاريك بەرنەتسياننىڭ ايتۋىنا قاراعاندا, كىرپىش جاسايتىن جاراقتار يسپانيانىڭ برەندى, بىراق قىتايدا قۇراستىرىلعان. جاڭا زاۋىت­تىڭ ەكىنشى جەلىسى ىسكە قوسىل­عاندا ءون­دىرىس ەكى ەسە ۇلعايادى. زاۋىت قۇرى­لىسى مەن جا­راق­تاندىرىلۋعا 1,8 ملرد تەڭگە ينۆەستيتسيا قۇيىلعان.

بۇل كاسىپورىننىڭ ارتىقشىلىعى شيكى-ز­اتى جاقىن جەردەگى كەن ورنىنان تاسى­مال­دانادى. وبلىس اكىمى قۇمار اقسا­قالوۆ زاۋىت­تىڭ اشىلۋ سالتاناتىندا توعىز قاباتتى ءۇي سالۋ ءۇشىن شامامەن 1 ملن 800 مىڭ دانا كىر­پىش كەرەك ەكەنىن ايتا كەلىپ, زاۋىتتىڭ ءبىر جىل­دىق ونى­مىمەن عانا 22 ءۇي سالۋعا بولاتىنىن جەتكىزدى.

«العاشقى كەزەڭدە ءبىز وسى كاسىپورىن­نىڭ كۇشىمەن ءوڭىردىڭ كىرپىشكە دەگەن سۇرانىسىنىڭ 30 پايىزىن جابامىز. سوندىقتان زاۋىتتى سالۋشى كاسىپورىنعا مەملەكەت تاراپى­نان وتە ۇلكەن كومەك بەرىلدى. اتاپ ايتقاندا, «سولتۇستىك» اكك ارقىلى 8 جىلعا 4 پايىزدىق وسىممەن 800 ملن تەڭگە نەسيە ءبولىندى. سىرتقى ىستەر مينيسترلىگى ارقىلى زاۋىتتىڭ جا­راق­تا­رىن كەدەن سالىعىنسىز وتكىزۋ جونىندە ين­ۆەس­­تي­تسيالىق كەلىسىم جاسالدى», دەدى ق.اقس­اقا­لوۆ.

قازىر زاۋىتقا بولىنگەن 5 گەكتار اۋماق­­تا جۇمىس قىزۋ ءجۇرىپ جاتىر. ءونىم شيكىزاتتى ءتورت ءتۇرلى وڭدەۋ تاسىلدەرىنەن وتكىز­گەننەن كەيىن عانا دايىن بولادى. ال­دىمەن قۇم مەن بالشىق ارنايى كولەمدە قوسىلادى, سوسىن ەلەنەدى, وعان بەلگىلى كولەمدە تسەمەنت پەن سۋ قوسىلعان سوڭ فورمالارعا سالىنادى. سوسىن قورىت­پانى پەشتە كۇيدىرەدى. بەلگىلى تەمپەرا­تۋرادا ارنايى ۋاقىت تۇرعان سوڭ سولتۇس­تىكتىڭ قىزىل-قوڭىر كىرپىشى دايىن بولادى.

زاۋىتتا 80 ادام جۇمىس ىستەيدى, ال ەكىنشى جەلى قوسىلىپ, تولىق قۋاتىنا ەنگەندە جۇمىس­شىلار سانى 200-گە جەتۋگە ءتيىس دەپ بولجانعان. زاۋىتتىڭ جىلدىق قۋاتى 40 ملن دانا كىرپىش شى­عارۋعا جەتەدى. زاۋىت ونىمدەرى باسقا وبلىستارعا دا تاسىمالدانىپ جاتىر. سۇرانىس بولعان سوڭ زاۋىت قوجايىندارى كاسىپورىن قۋاتىن ارتتىرۋدى كوزدەپ وتىر. ءوندىرىستى اۆتوماتتاندىراتىن جاراقتار الۋ جوسپارلانعان.

سولتۇستىكقازاقستاندىق «Mix Universal» كومپانياسى بيىل قۇرعاق قۇرى­لىس قوس­پالاردى شىعارۋدى قولعا الدى. زاۋىتتىڭ جىلدىق ءوندىرىس قۋاتى – وسى ءونىمنىڭ 13 مىڭ تونناسىن شىعارۋعا جەتەدى. مۇندا جەتىل­دىرىلگەن شەتەلدىك تەحنولوگيالار قولدا­نىلادى. سونىڭ ناتيجەسىندە ءونىمنىڭ ساپاسى دا جاقسى. بۇل قۇرىلىس جۇمىستارىنىڭ ونىمدىلىگىن ارتتىرادى جانە شارشى مەتردىڭ باعاسىن تومەندەتەدى. سوندىقتان دا وعان سۇرانىس جوعارى. زاۋىت قۇرىلىسىنا ازىرگە 70 ملن تەڭگە قۇيىل­عان. كاسىپورىننىڭ ديرەكتورى ادىلەت الىبە­كوۆتىڭ ايتۋىنا قاراعاندا, زاۋىت جالپى سانى 10 ءتۇرلى ءونىم شىعارادى. سونىڭ ىشىندە كافەل جەلىمى, گيپس سىلاعى جانە ت.ب. بار.

ء«بىزدىڭ ونىمدەر الىستان اكەلىنەتىن بازارداعى ونىمدەردىڭ باعاسىنا قاراعاندا 20-30 پايىزعا دەيىن ارزان. ويتكەنى ءونىمدى ءوزىمىزدىڭ شيكىزاتتان جاسايمىز. قۇم, مرامور ۇنتاعى – ءبارى وزىمىزدىكى. وسى ارقىلى ءونىمىمىز ارزان بولىپ, باسەكەلەستىككە تو­تەپ بەرە الادى», دەيدى ول.

قازىر زاۋىت اۆتوكلاۆتى گازبلوكتار شىعا­رۋعا دا كىرىسكەن. جۇمىستىڭ ءبارى تەحنيكامەن جاسالادى.

سولتۇستىكتىڭ كاسىپكەرلەرى حالىق تۇتى­ناتىن تاۋارلار شىعارۋعا دا كوڭىل ءبولىپ كەلەدى. سونىڭ ىشىندە «رادۋگا» جشس 2019 جىل­دان بەرى سابىن شىعارادى. نا­رىق سۇرا­نىسىنا جاۋاپ بەرەتىن كاسىپ­ورىن ىسكە قو­سىلعاننان بەرى 4 مىڭ توننا سابىن شىعارعان.

سونداي-اق يرينا دەميدوۆا باسقا­راتىن «ريم-كازاگرو» جشس جۋىردا عانا جىلىنا 5 مىڭ توننا قاعاز ونىمدەرىن شىعاراتىن فابريكانى ىسكە قوستى. وعان قۇيىلعان ينۆەس­تيتسيا كولەمى – 2,5 ملرد تەڭگە. جىلدىڭ سوڭىنا دەيىن فابريكا 80 ادامدى جۇمىسپەن قامتىماق.

سولتۇستىك قازاقستان وبلىسى