اتىراۋدا قازاقستاننىڭ ەڭبەك ەرى يليا جاقانوۆ پرەزيدەنت سايلاۋىندا داۋىس بەردى, دەپ حابارلايدى Egemen.kz.
كومپوزيتور, ونەر زەرتتەۋشىسى, قازاقستان مەن قىرعىزستاننىڭ ەڭبەك سىڭىرگەن قىزمەتكەرى, قازاقستاننىڭ ەڭبەك ەرى يليا جاقانوۆ اتىراۋ قالاسىنداعى №7 سايلاۋ ۋچاسكەسىندە 2916 سايلاۋشىمەن بىرگە تىركەلگەن. اتالعان سايلاۋ ۋچاسكەسىنە ۇلتتىق كيىممەن كەلگەن قازاقستاننىڭ ەڭبەك ەرى يليا جاقانوۆ جۇبايى تىيىش التاەۆامەن بىرگە داۋىس بەردى.
«تاۋەلسىزدىك تاريحىندا وتكەن سايلاۋدىڭ بارىنە قاتىسىپ, ءوز تاڭداۋىمدى جاساپ كەلەمىن. ال, وسى ناۋقاندا ءبىز بۇگىنگى جانە ەرتەڭگى بولاشاق ءومىرىمىزدىڭ دامۋى مەن جان-جاقتى وركەندەۋى, حالقىمىزدىڭ باقىتى ءۇشىن بارلىعىنا اسا جاۋاپكەرشىلىكپەن قىزمەت ەتەتىن كانديداتقا داۋىس بەرۋدى ۇيعاردىق. ءبىزدىڭ قوعام – ادىلەتتى, قۋاتتى جانە مىزعىماس بىرلىگى مەن ىنتىماعى زور قوعام. جاڭا, ادىلەتتى قازاقستاننىڭ بولاشاعى جارقىن, سونداي ساۋلەلى, شۋاقتى ەل بولۋى ءۇشىن قاريا بولسام دا, سايلاۋدا داۋىس تۇرمىن», دەدى يليا جاقانوۆ.