جەتىسۋ وبلىسىنداعى ۇشتوبە قالاسىندا بىرقاتار سايلاۋ ۋچاسكەسىندە ويىن ۇيىمداستىرىلىپ, سايلاۋعا كەلگەن سايلاۋشىلار ۆيكتورينالىق سۇراقتارعا جاۋاپ بەرىپ, سىيلىققا قول جەتكىزدى, دەپ جازادى Egemen.kz.
ءوز تاڭداۋىن جاساۋعا كەلگەن تۇرعىندار داۋىس بەرىپ شىققان سوڭ ينتەلەكتۋالدى ويىنعا قاتىسىپ, ءوز باقتارىن سىنادى. قويعان سۇراققا جاۋاپ بەرىپ, تاپقىرلىق تانىتقاندار ماراپاتتالدى.
قىزىقتى ويىندا جەڭىسكە جەتكەن سايلاۋشىنىڭ ءبىرى الىشەر جۇنىسبەك ۇلى.
«مەن بۇگىن ءوز ۋچاسكەمە كەلىپ تاڭداۋىمدى جاسادىم. بۇل ءاربىر ازاماتتىڭ بورىشى دەپ سانايمىن. سونداي-اق, داۋىس بەرىپ شىعىپ, ارنايى ۇيىمداستىرىلعان ويىنعا قاتىسىپ, ساۋالدارعا مۇدىرمەي جاۋاپ بەردىم. قاراتال اۋدانىنا, ەلىمىزگە بايلانىستى وتە قىزىقتى سۇراقتار بولدى. ناتيجەسىندە سىيلىق الىپ, قۋانىپ قايتىپ بارام», دەدى جەڭىسكە جەتكەن الىشەر.