الماتىداعى ساياسي ناۋقان قىزا ءتۇستى. قالاداعى №301 سايلاۋ ۋچاسكەسىندە جازۋشى, مەملەكەتتىك سىيلىقتىڭ لاۋرەاتى نۇرلان ورازالين داۋىس بەردى. قالامگەر ۇلتتىڭ بولاشاعى ءۇشىن تاڭداۋ جاساعانىنا سەنىمدى, دەپ حابارلايدى Egemen.kz.
«ەلىمنىڭ ىرگەسى شايقالماسىن, مىقتى بولسىن, ءبىراۋىزدى بولايىق, ۇرپاعىمىز اقىلدى بولسىن, بولاشاعىمىز بەكەم بولسىن دەگەن ءوزىمنىڭ جۇرەك قالاۋىممەن كەلگەن داۋىسىمدى بەردىم. كىمگە داۋىس بەرگەنىمدى ونى ۋاقىت ءوزى كورسەتەدى. بىراق ءبىز جاڭا قازاقستاننىڭ جاڭعىرىپ, بولاشاققا نىق قاداممەن باسىپ كەلە جاتقان باتىس پەن شىعىستىڭ وسىناۋ قيىن كەزەڭىندە ءوزىن-ءوزى امان ساقتاپ قالاتىن ۇلتىما, ۇرپاعىما بولاشاقتى قامتاماسىز ەتەتىن قازاقستانعا داۋىس بەرۋ ءۇشىن كەلدىم», دەدى مەملەكەت جانە قوعام قايراتكەرى نۇرلان ورازالين.