قازاقستاننىڭ تۇڭعىش ەڭبەك ەرى, الماتى قالاسىنىڭ قۇرمەتتى ازاماتى, ۇستاز اياگۇل ميرازوۆا الماتىنىڭ №372 سايلاۋ ۋچاسكەسىنە بارىپ داۋىس بەردى. ول حالىقتى مەملەكەت كەلەشەگىنىڭ جارقىن بولۋىنا ۇلەس قوسۋعا شاقىردى, دەپ جازادى Egemen.kz.
«ادىلەتتى ەل بولۋ ءۇشىن ادىلەتتى جاستار بولۋى كەرەك. ادىلەت ءۇشىن ەڭبەك ەتىپ, كۇرەسە بىلۋگە ءتيىسپىز. ءبىزدىڭ مەملەكەتىمىزدىڭ كەلەشەگىن كەمەل ەتىپ, ونى دامىتاتىن ءھام ادىلەتتى ەتەتىن, ول – سىزدەر مەن بىزدەر, جاستار! بۇگىن قۇقىعىمىزدى قورعاۋ ءۇشىن ءبىر كىسىدەي داۋىس بەرىپ, بىرلىگىمىزدى, تىرلىگىمىزدى, مەملەكەت كەلەشەگىنىڭ جارقىن بولۋىنا ۇلەس قوسايىق. ءبارىڭىزدى داۋىس بەرۋگە شاقىرامىن», دەدى ا.ميرازوۆا.