8 جىلدان بەرى حالىقارالىق ىزدەۋدە جۇرگەن 71 جاستاعى قازاقستان ازاماتى رەسەيدە ۇستالدى, دەپ حابارلايدى Egemen.kz.
ماڭعىستاۋ وبلىستىق پوليتسيا دەپارتامەنتىنىڭ مالىمەتىنشە, وبلىستىق تجد كريمينالدىق پوليتسيا باسقارماسىنىڭ قىزمەتكەرلەرى قىلمىسكەردى قولعا ءتۇسىرۋ ءۇشىن ىزدەۋ تاپسىرماسىمەن كورشى مەملەكەتكە كەتكەن. ىشكى ىستەر مينيسترلىگىنىڭ ورلوۆ وبلىسىنداعى ارىپتەستەرىمەن بىرگە 16 قاراشادا كۇدىكتىنى ۇستادى.
«ايەلگە الاياقتىق جاسادى دەگەن ايىپ تاعىلىپ, ىزدەۋ جاريالانعان. 2010 جىلدىڭ ءساۋىر ايىندا ول مۇنايلى اۋدانىنداعى جەر تەلىمىن جالعان قۇجات ارقىلى جابىرلەنۋشىگە 1,5 ميلليون تەڭگەگە ساتىپ جىبەرگەن. سول جىلدىڭ ماۋسىم ايىندا ول سول اۋداندا 4,5 ملن تەڭگەگە ەكىنشى جەر تەلىمىن جالعان قۇجاتپەن ساتىپ جىبەرگەن», دەپ حابارلادى ۆەدومستۆودان.
ءتارتىپ ساقشىلارىنىڭ مالىمەتىنشە, كۇدىكتىنىڭ الاياقتىق ارەكەتىنەن بارلىعى 74 ادام زارداپ شەككەن. ماتەريالدىق شىعىن 50 ميلليون تەڭگەدەن اسادى.
كۇدىكتى رف ءىىم نوۆوسيلسك بولىمشەسىندەگى ۋاقىتشا ۇستاۋ يزولياتورىنا قامالدى. قازىرگى ۋاقىتتا تەرگەۋ امالدارى جۇرگىزىلۋدە.