مەملەكەت باسشىسىنىڭ اتىنان تج ءمينيسترى يۋري يلين مەن ەلوردا اكىمى التاي كولگىنوۆ ءورت ءسوندىرۋشى اسقار زابيكۋليننىڭ وتباسىنا ءۇش بولمەلى پاتەردىڭ سەرتيفيكاتىن تابىس ەتتى, دەپ حابارلايدى Egemen.kz قالالىق اكىمدىكتىڭ ءباسپاسوز قىزمەتىنە سىلتەمە جاساپ.
ال ءورت ءسوندىرۋشى ايان كەمپىروۆتىڭ وتباسىنا يپوتەكانى وتەۋگە كومەك كورسەتىلەدى.
سونىمەن قاتار اسقار زابيكۋلين مەن ايان كەمپىروۆتىڭ وتباسىلارىنا جالپى سوماسى 6 ميلليون تەڭگە بولاتىن نەسيەلەرىن وتەۋگە كومەكتەسۋ تۋرالى شەشىم قابىلداندى.
استانالىق ءورت سوندىرۋشىلەر باتىلدىق تانىتىپ, بىرنەشە ادامنىڭ ءومىرىن ساقتاپ قالدى.
ا. زابيكۋليننىڭ دەنساۋلىق جاعدايى اۋىر, ال ايان كەمپىروۆتىڭ جاعدايى – ورتاشا دارەجەدە.
ەسكە سالا كەتەيىك, كەشە مەملەكەت باسشىسى استاناداعى كوپقاباتتى ۇيدە بولعان ءورت كەزىندە ەرلىك كورسەتكەن جانە بىرنەشە ادامنىڭ ءومىرىن قۇتقارعان ەلوردالىق ءورت سوندىرۋشىلەردى قازاقستان رەسپۋبليكاسىنىڭ مەملەكەتتىك ناگرادالارىمەن ماراپاتتاۋ تۋرالى جارلىققا قول قويدى.