سايلاۋ كۇنى ۋكراينادا جۇرگەن قازاقستان ازاماتتارى ۆارشاۆادا داۋىس بەرە الادى. بۇل تۋرالى سىرتقى ىستەر مينيسترلىگىنىڭ ەرەكشە تاپسىرمالار جونىندەگى ەلشىسى جالعاس ادىلباەۆ ايتتى, دەپ حابارلايدى Egemen.kz.
«بۇگىنگى تاڭدا ەلىمىزدىڭ سىرتقى ىستەر دەپارتامەنتى مەكەمەلەرىندە 53 ەلدە 68 سايلاۋ ۋچاسكەسى قۇرىلدى. بارلىق كوميسسيا مۇشەلەرى بەكىتىلدى. بارلىق سايلاۋ ۋچاسكەلەرى پرەزيدەنت سايلاۋىنا دايىن. ۋكرايناداعى جاعدايعا بايلانىستى قازاقستان ازاماتتارى مەن ەلشىلىك قىزمەتكەرلەرى ۆارشاۆادا داۋىس بەرەدى», دەدى جالعاس ادىلباەۆ وسك وتىرىسىندا
ونىڭ ايتۋىنشا, بۇل سايلاۋ ۋچاسكەلەرىندە 12 527 قازاقستان ازاماتى داۋىس بەرەدى دەپ كۇتىلۋدە.
ايتا كەتەيىك, قازاقستان رەسپۋبليكاسىنىڭ شەتەلدەگى مەكەمەلەرىندە داۋىس بەرۋ 20 قاراشادا جەرگىلىكتى ۋاقىت بويىنشا ساعات 07:00-دەن 20:00-گە دەيىن وتەدى.