ورتالىق سايلاۋ كوميسسياسى كەزەكتەن تىس پرەزيدەنت سايلاۋىندا قازاقستاننىڭ ءۇش قالاسىندا داۋىس بەرۋ ۋاقىتى وزگەرتىلگەنىن حابارلادى, دەپ جازادى Egemen.kz.
وسك توراعاسى نۇرلان ءابدىروۆ اتالعان قالالاردىڭ اۋماقتىق كوميسسيالارى داۋىس بەرۋدى باستاۋ ءۇشىن باسقا ۋاقىت بەلگىلەۋ تۋرالى شەشىم قابىلداعانىن ايتتى.
«استانا, الماتى, شىمكەنت قالالارىنىڭ اۋماقتىق سايلاۋ كوميسسيالارىنىڭ جەدەل اقپارات ۇسىنۋىنا سايكەس, ءتيىستى اۋماقتىق سايلاۋ كوميسسيالارىنىڭ شەشىمىمەن 86 سايلاۋ ۋچاسكەسىندە داۋىس بەرۋ ساعات 6:00-دە باستالادى», دەدى ن.ءابدىروۆ وسك وتىرىسىندا.
ايتا كەتەيىك, قازاقستاندا كەزەكتەن تىس پرەزيدەنت سايلاۋى 20 قاراشادا وتەدى.