بۇگىن قىزىلوردا-پاۆلودار اۆتوجولىنىڭ 722 شاقىرىمىندا شاعىن اۆتوبۋستىڭ جۇرگىزۋشىسى ءرۋلدى باسقارا الماي, جول-كولىك وقيعاسى ورىن الدى, دەپ جازادى Egemen.kz.
اۋدارىلعان كولىكتە 19 جولاۋشى بولعان. تجد حابارلاۋىنشا, ءۇش ادام زارداپ شەگىپتى.
وقيعا تۋرالى دابىل جاڭاارقا اۋدانى تجب ۇلىتاۋ وبلىسىنىڭ «اقتۇبەك» تراسسالىق مەديتسينالىق-قۇتقارۋ پۋنكتىنىڭ ديسپەتچەرىنە كەلىپ تۇسكەن. جول اپاتى ورىن العان ورىنعا دەرەۋ ارنايى رەانيموبيلمەن جول بويىنداعى پۋنكت ماماندارىنىڭ بريگاداسى بارىپ, بريگادا زارداپ شەككەن 3 ادامعا كومەك كورسەتتى. قازىر زارداپ شەككەن ءبىر ادام ورتاشا دارەجەدەگى جاراقاتتارمەن جاڭاارقا اۋدانىنىڭ ورتالىق اۋداندىق اۋرۋحاناسىنا جاتقىزىلدى.
ەستەرىڭىزگە سالا كەتەيىك, قازاقستاندا اپاتتىق-قاۋىپتى جول ۋچاسكەلەردە تجم بولىمشەسى – 40 تراسسالىق مەديتسينالىق-قۇتقارۋ پۋنكتى قىزمەت كورسەتەدى.