Defense Tech 2.0 بايقاۋىن قورعانىس مينيسترلىگىنىڭ ەنشىلەس ۇيىمى – «قازاقستان گاج ورتالىعى» مەن اق Astana Hub حالىقارالىق IT-ستارتاپتار تەحنوپاركى بىرلەسىپ جۇرگىزەدى, دەپ جازادى Egemen.kz.
بايقاۋ قورعانىس جانە قاۋىپسىزدىك سالاسىنداعى كرەاتيۆتى تەحنولوگيالىق شەشىمدەردى ىزدەۋگە باعىتتالىپ وتىر.
قورعانىس ءمينيسترىنىڭ ورىنباسارى دارحان احمەديەۆتىڭ ايتۋىنشا, جاريالانعان كونكۋرس شەڭبەرىندە قورعانىس ۆەدومستۆوسىنىڭ مۇددەسىندەگى اقپاراتتىق جۇيەلەردى قۇرۋ ءۇشىن IT-ماماندارعا باعىت ۇسىناتىن تەحنيكالىق تاپسىرمالار جۇمىس ىستەيدى.
ازىرلەۋشىلەرگە ءۇش باعىت بويىنشا تەحنولوگيالىق شەشىمدەر جاساۋ ۇسىنىلدى. ءبىرىنشىسى – كۋرسانتتار مەن مەرزىمدى قىزمەتتەگى اسكەري قىزمەتشىلەر اراسىنداعى اسكەري ءتارتىپتى قامتاماسىز ەتۋدى باعالاۋ جانە تالداۋ. وعان «تاماقتانۋ ساپاسىن باقىلاۋ», «زاتتاي م ۇلىكپەن قامتاماسىز ەتۋدى باعالاۋ», «اسكەري ءتارتىپتى باعالاۋ» مودۋلدەرى دە كىرەدى. ەكىنشى باعىت جوعارى وقۋ ورىندارىنا وقۋعا گرانت الۋ ءۇشىن مەرزىمدى قىزمەتتەگى ساربازداردى ىرىكتەۋ كريتەريلەرى بويىنشا كوپفۋنكتسيونالدى پلاتفورمانىڭ نۇسقاسىن جاساۋدى كوزدەيدى. ال ءۇشىنشىسى – Deftech پورتالىن ازىرلەۋ.
ايتا كەتەيىك, مينيسترلىك دايىنداعان تەحنيكالىق تاپسىرمالار Astana Hub سايتىندا جاريالانعان: https://astanahub.com/ru/tech_task/khakaton-v-sfere-oborony-i-bezopasnosti-defense-tech-2-0.
ىرىكتەۋ تۋرى وسى جىلدىڭ 28 قاراشاسىندا وتەدى. جەڭىمپازدار باعدارلامالىق ونىمدەردى تانىستىرۋ جانە ولاردى قوسىمشا زەردەلەۋ قورىتىندىلارىنا قاراي انىقتالادى.
سايىسقا 18 جاستان اسقان قازاقستان ازاماتتارى, IT-كومپانيالار, پيلوتتىق جوبانى ىسكە اسىرۋ ءۇشىن جەتكىلىكتى رەسۋرستارى بار ستارتاپتار قاتىسا الادى. تاراتىلۋى شەكتەلگەن قىزمەتتىك اقپاراتقا جانە ونىمەن جۇمىس ىستەۋگە رۇقسات بەرۋ كەلىسىممەن رەسىمدەلەدى.