تۇركىستان وبلىسىنىڭ پوليتسەيلەرى Subaru كولىگىن توقتاتىپ, جۇرگىزۋشىدەن 20 كەلىدەن استام ماريحۋانا ەسىرتكى زاتىن تاركىلەدى, دەپ حابارلايدى Egemen.kz.
تۇركىستان وبلىسى پد ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى مەن تۇلكىباس وكپ جانە پاترۋلدىك پوليتسيا باتالونىنىڭ پوليتسەيلەرى «باتىس قىتاي-باتىس ەۋروپا» اۆتوجولىندا Subaru كولىگىن توقتاتتى.
«كولىكتى ءتىنتۋ كەزىندە جەدەل ۋاكىلدەر وسىمدىك تەكتەس زات سالىنعان ءتورت قاپ پەن تەمەكى قورابىن تاپتى. كولىكتىڭ جۇرگىزۋشىسى بۇرىن تۇلكىباس اۋدانىنىڭ سوتتالعان تۇرعىنى بولىپ شىقتى. كۇدىكتىدەن الىنعان زاتتاي دالەلدەمەلەر ساراپتاماعا جىبەرىلدى», دەلىنگەن تۇركىستان وبلىسى پد ءباسپاسوز قىزمەتى تاراتقان حابارلامادا.
بۇل فاكت قر قك 296-بابى, 4-بولىگى «وتكىزۋ ماقساتىنسىز ەسىرتكى, پسيحوتروپتىق زاتتارمەن, ولاردىڭ انالوگتارىمەن زاڭسىز جۇمىس ىستەۋ» بويىنشا تىركەلگەن. كۇدىكتى قاماۋعا الىندى.