قىزىلوردانىڭ ەكى تۇرعىنىنان ەسىرتكى تاركىلەندى

11 قاراشادا «رەفلەكس» جەدەل-پروفيلاكتيكالىق ءىس-شاراسى اياسىندا قىزىلوردا وبلىسى ءىىد ەسىرتكى قىلمىسىنا قارسى كۇرەس باسقارماسىنىڭ قىزمەتكەرلەرى ەسىرتكى ساۋداسىمەن اينالىسىپ جۇرگەن 65 جانە 40 جاستاعى قالا تۇرعىندارىن ۇستادى. 

پوليتسەيلەر كۇدىكتىلەردىڭ تۇرعىلىقتى جەرىن تەكسەرۋ بارىسىندا 9,1 كەلى ەسىرتكى انىقتادى. ونىڭ 4,3 كەلىسى گاشيش, 4,8 كەلىسى كەپتىرىلگەن ماريحۋانا بولىپ شىقتى.

سونىمەن قاتار ايعاق رەتىندە ەسىرتكىنى ولشەيتىن ەلەكتروندى تارازىلار الىندى. كۇدىكتىلەر ۋاقىتشا ۇستاۋ يزولياتورىنا قامالدى.

بۇل فاكتى بويىنشا قازاقستان رەسپۋبليكاسى قىلمىستىق كودەكسىنىڭ 297-بابىنىڭ 3-بولىگى «ەسىرتكى, پسيحوتروپتىق زاتتاردى وتكىزۋ, جونەلتۋ نەمەسە وتكىزۋ ماقساتىندا زاڭسىز دايىنداۋ, قايتا وڭدەۋ, يەمدەنۋ, ساقتاۋ, تاسىمالداۋ» بويىنشا سوتقا دەيىنگى تەرگەۋ امالدارى جۇرگىزىلۋدە.