ۇلتتىق ستاتيستيكا بيۋروسىنىڭ دەرەكتەرى بويىنشا, 2022 جىلدىڭ 9 ايىندا قازاقستاننىڭ ەاەو ەلدەرىمەن تاۋار اينالىمى 19,85 ملرد دوللاردى قۇرادى. بۇل وتكەن جىلمەن سالىستىرعاندا 5,1%-عا ارتىق, دەپ حابارلايدى Egemen.kz.
ماسەلەن, 2022 جىلعى قاڭتار-قىركۇيەكتە تاۋارلاردىڭ ەكسپورتى 6,51 ملرد دوللاردى قۇرادى. بۇل وتكەن جىلمەن سالىستىرعاندا 14,3%-عا, ال يمپورت 13,33 ملرد دوللارعا (1,2% - عا) دەيىن ءوستى.
قازاقستاننىڭ ەاەو ەلدەرىمەن سىرتقى ساۋدا اينالىمىنىڭ جالپى كولەمىندە رەسەي – 92,4%, ودان كەيىن قىرعىزستان – 4%, بەلارۋس – 3,5% جانە ارمەنيا – 0,1%-دىق ۇلەسكە يە.
بۇل رەتتە ەاەو ەلدەرىنە ەكسپورتتا ەڭ كوپ ءوسىم حيميالىق ەلەمەنتتەر بويىنشا 2,1 ەسە بايقالادى.
سونىمەن قاتار كۇيدىرىلگەن ءپيريتتى قوسا العاندا, تەمىر كەندەرى مەن كونتسەنتراتتاردىڭ ەكسپورتى 9 ايدا 76,1%-عا تومەندەدى.
بۇل رەتتە بيداي مەن قارا بيداي قوسپاسىنىڭ يمپورتى 2,1 ەسە ءوستى. الايدا جەڭىل اۆتوموبيلدەر مەن باسقا دا موتورلى كولىكتەردىڭ يمپورتى 71,7%-عا تومەندەدى.