ورتالىق سايلاۋ كوميسسياسىنىڭ توراعاسى نۇرلان ءابدىروۆ كەزەكتەن تىس پرەزيدەنت سايلاۋىن ازىرلەۋ مەن وتكىزۋ ماسەلەلەرى بويىنشا سولتۇستىك قازاقستان وبلىسىنا كەلىپ, وڭىردەگى اۋماقتىق جانە ۋچاسكەلىك سايلاۋ كوميسسيالارىنىڭ جۇمىسىمەن تانىستى.
پەتروپاۆل, مامليۋتكا قالالارى مەن مامليۋتكا اۋدانىنا قاراستى ۆوسكرەسەنوۆكا اۋىلىنداعى سايلاۋ ۋچاسكەلەرىندە بولعان ورتسايلاۋكوم باسشىسى اۋماقتىق جانە ۋچاسكەلىك سايلاۋ كوميسسيالارىنىڭ مۇشەلەرىمەن, سونداي-اق جەرگىلىكتى اتقارۋشى ورگانداردىڭ وكىلدەرىمەن بىرقاتار كەزدەسۋ وتكىزدى.
ن.ءابدىروۆتىڭ توراعالىعىمەن وتكەن كەڭەستە ۋاكىلەتتى مەملەكەتتىك ورگاندار مەن وبلىستىق اۋماقتىق سايلاۋ كوميسسياسىنىڭ وكىلدەرى وڭىردە جۇرگىزىلىپ جاتقان جۇمىستار, سايلاۋدى ۇيىمداستىرۋشىلىق, ماتەريالدىق-تەحنيكالىق قامتاماسىز ەتۋ, مۇگەدەكتىگى بار ازاماتتار ءۇشىن سايلاۋ ۋچاسكەلەرىنىڭ فيزيكالىق قولجەتىمدىلىگى ءۇشىن قاجەتتى جاعدايلار جاساۋ, سايلاۋ بيۋللەتەندەرىن كۇزەتۋ جانە ۋاقتىلى جەتكىزۋ تۋرالى باياندادى.
وبلىس اكىمىنىڭ ءبىرىنشى ورىنباسارى مارات تاسماعانبەتوۆ بايانداماسىندا حالىقتى اقپاراتتاندىرۋ اياسىندا izbiratel.sko.kz ىزدەۋ سەرۆيسى ىسكە قوسىلعانىن حابارلادى. سونىمەن قاتار 13 اۋدان مەن وبلىس ورتالىعىندا «Telegram بوت «SailauSkoBot» جانە Call-ورتالىقتار بار. iKOMEK-109 بىرىڭعاي بايلانىس ورتالىعىنىڭ بازاسىندا تاۋلىك بويى Call-ورتالىق جۇمىس ىستەيدى.
سايلاۋ ۋچاسكەلەرىنىڭ بارلىعى جابدىقتالعان كابينالار, تۇراقتى سايلاۋ جاشىگى, تاسىمالداناتىن سايلاۋ جاشىكتەرى, اقپاراتتىق ستەندتەرمەن قامتاماسىز ەتىلگەن. وبلىستا 26 مىڭعا جۋىق مۇگەدەكتىگى بار ادام بولسا, ونىڭ 2 239-ى سايلاۋ ۋچاسكەلەرىندە ەرەكشە جاعدايلاردى تالاپ ەتەدى. ناشار كورەتىن ازاماتتاردىڭ سايلاۋ قۇقىقتارىن قامتاماسىز ەتۋ ماقساتىندا وبەكتىلەردە تاكتيلدى كورسەتكىشتەر ورناتىلىپ, برايل شريفتىمەن جاراقتاندىرىلعان اقپاراتتىق كەستەلەر قويىلعان. سونداي-اق 626 وبەكتىدە مۇمكىندىگى شەكتەۋلى ازاماتتارعا قىزمەت كورسەتۋ ايماقتارى ۇيىمداستىرىلادى, ال 502 سايلاۋ ۋچاسكەسىن تىرەك-قيمىل اپپاراتى بۇزىلعان ازاماتتاردىڭ داۋىس بەرۋىنە ارنالعان كابينالارمەن جابدىقتاۋ جوسپارلانۋدا. داۋىس بەرۋ كۇنى «ينۆاتاكسي» جانە الەۋمەتتىك تاكسي قىزمەتتەرى دە ىسكە قوسىلماق.
وسك توراعاسى مۇگەدەكتىگى بار ادامدار داۋىس بەرەتىن بارلىق ۋچاسكەلەردى ارالاپ, داۋىس بەرۋگە ارنالعان ءۇي-جايلاردىڭ تەك سايلاۋشىلار ەمەس, بايقاۋشىلار, سەنىم بىلدىرىلگەن ادامدار جانە باق وكىلدەرى ءۇشىن دە قولجەتىمدى ءارى ىڭعايلى بولۋىن اتاپ ءوتتى.
ساپار اياسىندا ن.ءابدىروۆ سايلاۋشىلار مەن مۇگەدەكتىگى بار ادامدار ءۇشىن ۋچاسكەلەردىڭ كومپيۋتەر, اۋديو جانە بەينەاپپاراتۋرالار, قۇلاققاپتار, قوسىمشا جارىقتاندىرۋ, لۋپا سەكىلدى قاجەتتى قۇرالدارمەن قامتىلعان بۇرىشتاردىڭ بولۋىن تەكسەردى. ەكى ساتىلى اربا كوتەرگىش جۇيەمەن جابدىقتالعان ۋچاسكەلەردىڭ ءبىرىن جوعارى باعالاعان وسك باسشىسى بارلىق ۋچاسكەلەردى وسىلاي جابدىقتاۋ قاجەتتىگىن ايتتى.
باسقا سايلاۋ ۋچاسكەسىندە داۋىس بەرۋگە ارنالعان جاشىكتەردىڭ ىڭعايسىز ورنالاسۋىنا بايلانىستى وسك باسشىسى بايقاۋشىلارعا, سەنىم بىلدىرىلگەن ادامدارعا, بۇقارالىق اقپارات قۇرالدارىنىڭ وكىلدەرىنە كەدەرگىسىز بايقاۋعا مۇمكىندىك بەرەتىندەي ەتىپ قويۋدى ۇسىندى. ءوز كەزەگىندە ۋچاسكەلىك كوميسسيالاردىڭ مۇشەلەرى ورتالىق سايلاۋ كوميسسياسى ازىرلەگەن ۋسك مۇشەلەرى تولتىراتىن ءارتۇرلى جۋرنالدىڭ جوعارى ساپاسى مەن ىڭعايلىلىعىن اتاپ ءوتتى.
ۋچاسكەلەردى ارالاۋ كەزىندە وسك باسشىسى جەرگىلىكتى اتقارۋشى ورگانداردىڭ نازارىن سايلاۋ ۋچاسكەلەرى ورنالاسقان ءۇي-جايلاردى رەزەرۆتىك ەلەكترمەن جابدىقتاۋدى جانە ولاردى جىلۋمەن جابدىقتاۋدى قامتاماسىز ەتۋگە اۋداردى. سونداي-اق سايلاۋشىلارعا تىزىمدەردە وزدەرىن تەكسەرۋگە مۇمكىندىك بەرەتىن ونلاين سەرۆيستەردىڭ جۇمىسىن تەكسەرىپ, سايلاۋ كوميسسيالارى مۇشەلەرىنىڭ ەلەكتورالدىق وقىتۋ ناتيجەلەرىمەن تانىستى.
باعدارلامانىڭ ەكىنشى بولىمىندە اۋماقتىق جانە ۋچاسكەلىك سايلاۋ كوميسسيالارى ءۇشىن كەيس تەحنولوگياسى نەگىزىندە ىسكەرلىك ويىن تۇرىندە ترەنينگ ءوتتى. ترەنينگ جۇمىسىنا ەقىۇ/دياقب بايقاۋشىلار ميسسياسىنىڭ وكىلدەرى قاتىستى.
وتكىزىلگەن كەزدەسۋلەردىڭ قورىتىندىسى بويىنشا نۇرلان ءابدىروۆ اۋماقتىق جانە ۋچاسكەلىك سايلاۋ كوميسسيالارىنىڭ توراعالارىنا بىرقاتار ناقتى تاپسىرما بەردى.